Pavodle ekśpiertnych acenak, smartfony zajmajuć kala 40% rynku mabilnych telefonaŭ Biełarusi, paviedamiła načalnik upraŭleńnia markietynhu ZP «Viełkom» Dzina Cybulskaja.
Abjomy prodažu smartfonaŭ u Biełarusi praciahvajuć raści. «My zadavolenyja raźvićciom hetaha kirunku. Naprykład, viasnoj prodažy smartfonaŭ u paraŭnańni ź zimoj nie źmienšylisia», — skazała Cybulskaja.
Na siońnia, adznačyła jana,
vysoki ŭzrovień prapanovy zabiaśpiečvajuć kitajskija vytvorcy,liniejki ŭstrojstvaŭ jakich šyroka pradstaŭleny ŭ Biełarusi.
Spasłaŭšysia na acenki ekśpiertaŭ, načalnik upraŭleńnia markietynhu ZP «Viełkom» zajaviła, što praz try hady ŭ mnohich krainach smartfony praktyčna całkam vycieśniać zvyčajnyja mabilnyja telefony. Jak ličyć Cybulskaja, anałahičnaja tendencyja budzie charakternaja i dla Biełarusi. Pry hetym płanšety, jakija pryniata taksama ŭklučać u katehoryju smartfonaŭ, na biełaruskim rynku šyrokaha raspaŭsiudžańnia pakul nie atrymali. Śpiecyjalisty tłumačać takuju situacyju tym, što ŭ Biełarusi pradstaŭleny abmiežavany asartymient takich ustrojstvaŭ.
