Minimalny «prachadny» bał u VNU — 7 sa 100 bałaŭ pa CT 16

U Biełarusi dla ŭdziełu ŭ konkursie pry pastupleńni ŭ VNU treba nabrać na centralizavanym testavańni nie mienš jak 7 bałaŭ za test. Pra heta zajaviła kansultant adździeła vyšejšaj adukacyi Minadukacyi Maryja Karpienka, kamientujučy pastanovu viedamstva № 29 «Ab ustanaŭleńni pieravodnaj škały vynikaŭ centralizavanaha teściravańnia pa vučebnych pradmietach i pryznańni straciŭšym siłu pastanovu Ministerstva adukacyi Respubliki Biełaruś ad 3 krasavika 2009 h. № 15».

Pastanova ŭstanaŭlivaje 2 pieravadnyja škały — dla tych, pastupaje ŭ VNU i ŭ siarednija śpiecyjalnyja navučalnyja ŭstanovy.

Zhodna z novaj škale 1–6 bałaŭ pa 100-balnaj škale buduć ličycca jak 2 bały pa 10-balnaj. Hetyja bały buduć ličycca nieprachadnymi dla pryjomnaj kamisii VNU. «Ale pry hetym abituryjenty, jakija atrymali za test na centralizavanym testavańni 6 i nižej bałaŭ, zmohuć skarystacca mahčymaściu pastupić u siarednija śpiecyjalnyja navučalnyja ŭstanovy», — skazała Maryja Karpienka.

Jana taksama nahadała, što

siertyfikaty tym abituryjentam, jakija atrymajuć na CT nul bałaŭ, vydavacca nie buduć.

0

0

0

0

0

0

pavodle BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH