Da mižnarodnaj akcyi "Noč muziejaŭ" Biełaruś dałučajecca ŭžo nie pieršy hod. Ale sioleta, abiacajuć u Ministerstvie kultury, jana budzie rekordnaj pa kolkaści ŭdzielnikaŭ. Dałučajucca nie tolki muziei abłasnych haradoŭ, ale i rajonnyja.
U Homieli ŭ pałacy Rumiancavych-Paskievičaŭ startuje mastacki prajekt "Pałacavy kompleks". Hrodzienski muziej historyi relihii zaprašaje na bal u Tyzienhaŭza, a
Hrodzienski historyka-archieałahičny rychtuje 19 maja ŭdzień siaredniaviečnyja zabavy ŭ Starym zamku i "Noč viejera i revieransa" -- u Novym.
U najbolš kancentravanym vyhladzie načnoje muziejnaje žyćcio budzie pradstaŭlenaje ŭ Minsku, paviedamlaje Tut.by. Darečy,
18 maja ŭvachod va ŭsie staličnyja muziei budzie biaspłatnym, ale na mierapryjemstva "Nočy muziejaŭ" bilet daviadziecca kupić.
Ahulnymi namahańniami supracoŭniki muzieja i ich hości pasprabujuć vykryć mif pra nabližeńnie kanca śvietu. Namieśnik dyrektara pa navukovaj rabocie Nadzieja Usava abiacaje, štoNacyjanalny mastacki muziej 18 maja zaprašaje na prahramu "Apakalipsis. Admianiajecca...", jakaja abjadnaje vystavu biełaruskich mastakoŭ-abstrakcyjanistaŭ i teatralizavanaje pradstaŭleńnie.
sumavać nie daviadziecca navat tym, chto budzie stajać u čarzie pa kvitki. Darečy, pra čerhi. Achvotnych naviedać muziej prosiać prychodzić nie ŭprytyk da adkryćcia "načnoj" prahramy - 19.00, a krychu raniej.Uvachod - 25 000 rubloŭ.
Nacyjanalny mastacki muziej upieršyniu ŭziaŭ udzieł u "Nočy muziejaŭ" u 2005 hodzie, kali za 5 hadzin akcyi muziej naviedała kala dźviuch tysiač čałaviek. U 2008 hodzie nočču ŭ muziej pryjšło bolš za šeść tysiač čałaviek, u 2009 - kala 8 tysiač, u 2010 i 2011 hadach - zvyš 10 tysiač čałaviek.
Nacyjanalny histaryčny muziej 18 maja pradstavić prahramu "Epochi mimalotnyja imhnieńni". Buduć pracavać vystavy "Vajna 1812 hoda ŭ historyi Minska" i
"Ekspanujecca ŭpieršyniu. Z pastupleńniaŭ Histaryčnaha muzieja".Namieśnik dyrektara Nina Kałymaha adznačyła, što asablivaściu ciapierašniaj "Nočy muziejaŭ" stanie ŭvaha da aŭdytoryi roznych uzrostaŭ.
Buduć arhanizavanyja histaryčnyja hulni dla dziaciej i intelektualny kłub dla moładzi.U asablivym režymie muziej budzie pracavać z 18.00 da 23.00. U honar 45-hodździa adkryćcia pieršaj ekspazicyi muzieja ŭvachod na mierapryjemstvy "Nočy muziejaŭ" budzie biaspłatnym.
Muziej sučasnaha vyjaŭlenčaha mastactva 18 maja zaprašaje stać śviedkam mastackaha prajekta "Uschod-Zachad. Cyrymonija".
U małoj zale muzieja možna budzie ŭbačyć kitajskuju i japonskuju čajnyja cyrymonii i pradehustavać roznyja hatunki čaju, pahladzieć piasočnaje šou, prajści majstar-kłas pa aryhami, pasłuchać japonskuju flejtu siakuchaci.Vialikuju zału zojmuć majstry pierformansu, interaktyŭnych instalacyj i elektronnaj muzyki, tut ža možna budzie pahladzieć uschodniejeŭrapiejskuju animacyju. Start "načnoj" prahramy daduć a 19-j, finiš pryznačany na 24.00.
Biełaruski dziaržaŭny muziej historyi Vialikaj Ajčynnaj vajny 18 maja z 18.00 da 22.00 zaprašaje na prahramu "Na placoŭcy tancavalnaj 1941 hod".
U chole muzieja buduć hučać muzyka i pieśni 1940-ch, a ŭ muziejnaj retra-fotastudyi možna budzie zrabić zdymak u kaściumach i anturažy toj epochi.Na druhim paviersie muzieja raźmieścicca stylizavany partyzanski łahier, a paviercham vyšej - vystava "Paślavajennaja viasna", na jakoj buduć pradstaŭlenyja pradmiety žanočaha harderoba 1940--1960 hh.
Dziaržaŭny litaraturna-miemaryjalny muziej Jakuba Kołasa 18 maja pakaža małaviadomuju pierapisku kłasika ź piśmieńnikami, palityčnymi dziejačami, rodnymi, a taksama
redkija fotazdymki z archiva Kołasa.Akramia taho, u hety dzień z 14.00 da 15.00 u muziei projdzie śviatočnaja prahrama, padrychtavanaja vychavancami centra dadatkovaj adukacyi dziaciej i moładzi "Vietraź".
Litaraturny muziej Maksima Bahdanoviča da 18 maja padrychtavaŭ śpiecyjalnuju prahramu "Viesnachod", u jakoj znajšłosia miesca zabavam i dla dziaciej, i dla ich baćkoŭ. Małyja zmohuć uvolu pamalavać krejdaj na asfalcie i farbami na ŭłasnych tvarach, navučycca składać z papiery matylkoŭ. Śviatočny fon buduć stvarać falkłornyja kalektyvy Pałaca dziaciej i moładzi. A
zavieršyć prahramu kancert hurtoŭ "Pacuki" i "Nielha zabyć".Čas dziejańnia - 17.00--23.00. Uvachod - 5000 rubloŭ (darosłyja), 2500 rubloŭ (dzieci).
Dziaržaŭny litaraturny muziej Janki Kupały padrychtavaŭ prajekt "Paŭlinka-next". Sioleta kraina adznačaje 130-hodździe kłasika biełaruskaj litaratury, a jaho samaj viadomaj pjesie spaŭniajecca 100 hadoŭ. "Načnaja" prahrama pačniecca a 18-j 19 maja i pradoŭžycca da 2.00 20 maja. Častka pradstaŭleńnia projdzie nie pad muziejnym dacham, a pad šatami starych lipaŭ u parku.
U prahramie - parad Paŭlinak,vystupleńni falkłornych kalektyvaŭ i sučasnych maładych vykanaŭcaŭ, staradaŭnija biełaruskija tancy la fantana, kirmaš ramiostvaŭ,
majstar-kłas pa placieńni kosaŭi mnohaje inšaje.
Litaraturny muziej Pietrusia Broŭki 19 maja zaprašaje paŭdzielničać u prajekcie "Stylahi"i paznajomicca z adnoj z samych jarkich moładzievych subkultur XX stahodździa. Naviedniki muzieja pad akampaniemient džazavych miełodyj zmohuć ahledzieć vystavu "Stylahi - advažnyja dendzi krainy Savietaŭ" i paŭdzielničać u majstar-kłasie pa lindzi-chopie (papularny taniec pad džazavuju muzyku). Broŭka byŭ by ŭ šoku. Pačatak prahramy a 18-j. Uvachod - 7000 rubloŭ.
Dziaržaŭny muziej historyi teatralnaj i muzyčnaj kultury 19 maja pravodzić tancavalna-muzyčny marafon. Z 18.00 da 23.00 naviedniki muzieja zmohuć paznajomicca z tancavalnaj kulturaj roznych narodaŭ śvietu i ŭziać udzieł u majstar-kłasach. U prahramie buduć pradstaŭlenyja
ŭschodnija tancy, kapaejra, irłandskija tancy, indyjskija tancy, fłamienka, hruzinskija tancy i biełaruskija narodnyja skoki.Usia hetaja radaść abydziecca ŭsiaho ŭ 10 000 rub. Pryniesiacie z saboj marakasy abo kastańjety - uvojdziecie biaspłatna.
Jak pakazała praktyka minułych hadoŭ, u muziei ŭnačy stajać vializnyja čerhi, heta treba ŭličvać, vypraŭlajučysia na špacyr. I, biezumoŭna, varta hlanuć prahnoz nadvorja, kab "Noč muziejaŭ" pakinuła tolki pryjemnyja ŭspaminy.
