Paŭtary sotni čałaviek u załatych kaściumach prajšli pa im unačy, kab sustreć uzychod sonca.
Dziŭny natoŭp z uśmieškami pad charavyja pieśni N.R.M. viesieła prajšoŭ pa pustych i čystych vulicach horada. Tak znakamity polski mastak Pavieł Altchamier, jaki słavicca pierformansami ŭ roznych krainach śvietu, zładziŭ u Minsku art-akcyju «Pramień sonca».
Dyk što ž heta było?Ad nas mastak kirujecca naŭprost na znakamitaje bijenale ŭ Bierlinie, dzie adbudziecca pakaz adźniataha videa.
Infarmacyja pra toje, što ŭ Minsku rychtujecca niezvyčajny načny kancert z sustrakańniem sonca ŭ finale dy jašče i ŭdziełam N.R.M., źjaviłasia zahadzia. Anansavałasia navat niezvyčajnaje miesca imprezy — pustujučy anhar zavoda «Haryzont», što ŭžo atrymaŭ słavu siarod alternatyŭnaj publiki Minska paśla mastackaj vystavy «Radyjus nula».
Adnak litaralna za dzień, zhodna biełaruskaj «tradycyi», dazvoł Minharvykankama arhanizatary nie atrymali z-za pažarnaj biaśpieki, i mastackaja zaduma mahła sarvacca.
«Ale ŭ nas byŭ padrychtavany reziervovy varyjant, tamu ŭ apošniuju noč my prosta pryjšli ŭ R-Club», — raspaviadaje adzin z arhanizataraŭ kancerta Pavał Biełavus.
Adčuvańnie akazałasia nievypadkovym: siarod publiki było kala 60 polskich dy niamieckich mastakoŭ i dyzajnieraŭ.Pakul Minsk spaŭ, moładź cichieńka, jak pa zmovie, u pryciemkach ściakałasia ŭ R-Club, dzie pad žyvy vystup polskaha rehi-bendu Paprika Korps, biełaruskich pankaŭ Amaroka dy zavadnoha setu DJ Laurel padavałasia, što traplaješ na modnuju šumnuju paci ŭ adnym sa šmatlikich klubaŭ Bierlina.
Da biełaruskich realijaŭ viartaŭ vystup hurtu N.R.M., paśla jakoha ŭmomant zała pieraapranułasia ŭ załatyja kaściumy i jašče ŭ pryciemkach vyliłasia na vulicu Surhanava, a adtul pa praśpiekcie — amal da ofisu Biełteleradyjokampanii, pakul na vulicach nie stała śvietła.
Impreza ad pačatku płanavałasia jak art-performans. Svaje akcyi Pavieł Altchamier pravodziŭ u roznych krainach śvietu. Apošnim časam mastak zachapiŭsia «zołatam»: razmalavany ŭ zołata samalot u vandravaŭ pa rajonach Varšavy z mesydžam, što mastactva moža dziejničać paŭsiul i zaŭsiody. Adnak
paŭtary sotni ludziej u zołacie na vulicach prytarna čystaha horadu, dzie navat pa troje lepiej nie źbiracca i plaskać lepiej, razumiejučy ŭsie nastupstvy — vyhladała bolej čym dziorzka i nie prosta jak art-akcyja biez hramadska-palityčnaha kantekstu.
Altchamier zachapiŭsia hetaj idejaj, pračytaŭšy raman Artura Klinava «Miensk. Horad sonca».Naahuł mastak «u temie» Biełarusi, daŭna siabruje z Ceśleram — toj i afišu dla ŭsioj hetaj dziei zrabiŭ. Klip N.R.M. «Pramień sonca», akazvajecca, taksama adzin z kavałačkaŭ usioj hetaj zadumy Altchamiera ź ludźmi ŭ załatych kaściumach i sustrečaj «załatoha sonca».
«Było šmat chvalavańniaŭ, ci atrymajecca pravieści kancert i prajści praśpiektam. Ale ž ničoha kiepskaha my nie zrabili, tamu spadziajemsia, što budzie biez nastupstvaŭ», — kaža Pavał Biełavus užo a piataj ranicy na śvitanku ŭ Minsku.
Horad pračynajecca i «załatyja» z schavanymi ŭ zaplečniki kaściumami na pamiać pra dziorzkuju noč rastvarajucca ŭ pierachodach da mietro.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary