Vydavaŭ vizy i drukavaŭ jeŭra 3

U apošni čas na zamiežnyja vizy ŭ hramadzian ŭstojlivy popyt. Hetym vyrašyŭ skarystacca 25-hadovy žychar horada Hrodna, jaki raźmiaściŭ na forumie abjavu ab sadziejničańni ŭ ich atrymańni. Žadajučyja nie prymusili siabie doŭha čakać.

Za prystojnyja hrošy chłopiec «adkryvaŭ» vizy nie ŭ adpaviednym konsulstvie, a prosta ŭ siabie ŭ kvatery pry dapamozie kampjutarnaj techniki,

pryčym rabiŭ pracu nastolki prymityŭna, što adroźnić aryhinał ad vyrablenaha im dakumienta było zusim nieskładana. Tolki voś udziačnyja klijenty va ŭpor nie zaŭvažali padman.

Padazravany prapanoŭvaŭ nie tolki vizy, ale i kantrakty na pracu ŭ Ispaniju. Usie dakumienty jon vyrablaŭ pry dapamozie hrafičnych redaktaraŭ u siabie na kampjutary, paśla čaho razdrukoŭvaŭ na zvyčajnaj papiery i ŭklejvaŭ ŭ pašpart.

U adnym z apošnich vypadkaŭ ad troch paciarpiełych jon atrymaŭ kala dvuch tysiač dalaraŭ. Nieŭzabavie pra pradprymalnaha hramadzianina stała viadoma milicyi. Pry dapamozie bajcoŭ AMAPu jaho zatrymali padčas atrymańnia hrošaj. U jaho kanfiskavali kampjuternuju techniku, elektronnyja nośbity z vyjavami dakumientaŭ, niekalki pašpartoŭ ź vizami, a taksama 15 tysiač falšyvych jeŭra, jakija jon taksama vyrabiŭ pa miescy žycharstva. Ź jakoj metaj jon heta zrabiŭ, jašče treba vyśvietlić.

Zatrymany pryznajecca ŭ zroblenym, arhumientujučy svaje pavodziny tym, što chacieŭ zarabić.

Kryminalnaja sprava raspačataja pa artykule «Machlarstva». Nichto z klijentaŭ machlara jašče nie sprabavaŭ vyjechać za miežy Biełarusi, što paciahnuła b dadatkovyja vydatki i pieražyvańni pry pierasiačeńni dziaržaŭnaj miažy.

Pavodle uvd.grodno.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH