Źbity 19 maja Andrej Moŭčan.
Svajaki palitviaźniaŭ patrabujuć rasśledavać fakty prymianieńnia milicyjaj siły suprać mirnych hramadzian. Pra heta havorycca ŭ ich adoźvie da hienprakurora Biełarusi Alaksandra Kaniuka, pryniataj na pasiadžeńni kruhłaha stała 23 maja ŭ Minsku.
Pavodle słoŭ hramadskaj aktyvistki Hanny Šapućki, dakumient budzie pieradadzieny ŭ Hienieralnuju prakuraturu samimi svajakami palitźniavolenych 24 maja.
«Apošnim časam hramadstva skałanajuć naviny ab biesprecedentna žorstkich źbivańniach mirnych hramadzian supracoŭnikami milicyi.Asabliva vyznačajucca svajoj žorstkaściu, sadyzmam supracoŭniki pravaachoŭnych orhanaŭ Minska», — padkreślivajecca ŭ adoźvie.
Svajaki palitviaźniaŭ pratestujuć «suprać hvałtoŭnych dziejańniaŭ supracoŭnikaŭ siłavych struktur, ich złoŭžyvańniaŭ uładaj, fizičnych i maralnych katavańniaŭ». «My patrabujem rasśledavać kožny vypadak prymianieńnia siły suprać mirnych hramadzian i pakarać vinavatych», — padkreślivajuć jany.
Aŭtary adozvy patrabujuć nieadkładna vyzvalić ad pasady namieśnika načalnika HUUS Minharvykankama Ihara Jaŭsiejeva, «jaki nie spraŭlajecca sa svaimi słužbovymi abaviazkami, jaki dapuściŭ, a mahčyma, i inicyjavaŭ źbivańnie mirnych hramadzian svaimi supracoŭnikami».
«Miarkujem, što z boku siłavych struktur adbyvajecca pravakacyja suprać mirnaha hramadzianskaha nasielnictva, skiravanaja na padryŭ kanstytucyjnaha ładu, abvastreńnie
Udzielniki kruhłaha stała taksama abmierkavali mahčymaść padačy piersanalnych iskaŭ da supracoŭnikaŭ milicyi, jakija nieabhruntavana prymianiali siłu suprać mirnych hramadzian.
U jakaści adnaho z takich vypadkaŭ možna pryvieści fakt zatrymańnia ŭ Minsku 19 maja i źbivańnia supracoŭnikami milicyi aktyvista hramadzianskaj kampanii «Jeŭrapiejskaja Biełaruś» Andreja Mołčana. Ź pierałomam skivicy i