KDB prosić u mižnarodnych donaraŭ 9 miljonaŭ dalaraŭ 13

Na sajcie Ministerstva ekanomiki nadrukavany śpis prajektaŭ, jakija dziaržaŭnyja ŭstanovy pradstaŭlajuć donaram u ramkach prahramy Mižnarodnaha techničnaha supracoŭnictva na 2012–2016.

Usiaho majecca 114 prajektnych prapanovaŭ na sumu 411,5 miljonaŭ dalaraŭ. Siarod ich majecca 13 pryjarytetnych prajektaŭ na sumu 4 miljonaŭ.

Siarod padadzienych prajektaŭ majucca i ad Kamiteta dziaržaŭnaj biaśpieki. Čekisty prosiać finansavańnie na «zakup i pastaŭku techničnych srodkaŭ i abstalavańnia dla zabieśpiačeńnia dziejnaści ŭ śfiery baraćby z teraryzmam, arhanizacyi i praviadzieńnia kontrterarystyčnych i inšych apieracyj, apieratyŭnaha praviadzieńnia śpiecyjalnych i kryminalistyčnych daśledavańniaŭ ŭ ramkach dziaržaŭnaha reahavańnia na akty teraryzma». Na hety prajekt Kamitet prosić 6 miljonaŭ dalaraŭ.

Druhi prajekt z KDB nakiravany na «ŭdaskanaleńnie sistem mieraŭ pa supraćdziejańniu jadziernamu i radyjacyjnamu teraryzmu na terytoryi Biełarusi». Hety prajekt raźličany na 3,5 miljony dalaraŭ.

Try prajekty zajaviła i Ministerstva ŭnutranych spravaŭ. 1. Procidziejańnie karupcyi ŭ Biełarusi. 2. Minimizacyja mihracyjnaj ryzyki, źviazanych z pryhraničnym rucham praz sumiesnyja miedy, i arhanizacyja efiektyŭnaha ŭzajemadziejańnia kampietentnych orhanaŭ Biełarusi i Polščy pa dadzienamu nakirunku.

3. Sadziejańnie Biełarusi va ŭdaskanaleńni miechanizmaŭ akazańnia dapamohi ŭ adaptacyi da žyćcia ŭ hramadstvie asaobam, što vyzvalenyja z ustanovaŭ kryminalna-vykanaŭčaj sistemy, dziejnaści śpiecyjalnych ustanovaŭ dasudovaha ŭtrymańnia, raźvićcia i pavyšeńnia efiektyŭnaści vykanania alternatyŭnych pazbaŭleńniu voli vidaŭ pakarańnia.

Prajekty zajaŭlenyja na sumu bolš za 3,5 miljona dalaraŭ.

Što ž takoje prahrama Mižnarodnaha techničnaha supracoŭnictva? Adzin ź vidaŭ dapamohi, što biazvypłatna pradstaŭlajecca Biełarusi donarami Mižnarodnaj techničnaj dapamohi (MTD) ŭ metach akazańnia padtrymki ŭ sacyjalnych i ekanamičnych pieraŭtvareńniach.

Donarami MTD źjaŭlajucca krainy Jeŭrapiejskaha sajuza (Vialikabrytanija, Hiermanija, Polšča i inšyja), ZŠA, Kanada, Japonija, ułasna Jeŭrasajuz, AAN i inšyja krainy i struktury.

Śpiecsłužby nieadnarazova abvinavačvali biełaruskuju apazicyju ŭ finansavańni z Zachadu, ale sami nie ličać haniebnym atrymać dapamohu ad mižnarodnych donaraŭ.

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH