Staršynia Fiederacyi prafsajuzaŭ Biełarusi Leanid Kozik ličyć, što Biełarusi ŭ chutkim časie realna vyjści na ŭzrovień minimalnaj zarpłaty ŭ 500 dołaraŭ.
«Sioleta siaredniaja zarpłata ŭ krainie pavinna dasiahnuć 500 dołaraŭ, heta paćviardžajecca i statystykaj. Z 57 pazicyj, jakija kantraluje Biełstat, zarpłaty ŭ 500 dołaraŭ dasiahnuli 22 pazicyi, 400 dołaraŭ — jašče 14. Na maju dumku, paśla vychadu siaredniaj zarpłaty na 500 dołaraŭ nam nieabchodna iści da minimalnaj zarpłaty ŭ 500 dołaraŭ. Na moj pohlad, heta realna», — zajaviŭ Leanid Kozik.
Što da dapamoh pa biespracoŭi, to, na jaho dumku, ich nizki pamier nie źjaŭlajecca aktualnaj prablemaj na siońnia. «Biespracoŭje ŭ nas 0,9%. Niachaj, heta aficyjnaje biespracoŭje. Ale ja viedaju, što pracoŭnych miescaŭ — mora. Abjaŭ ab pryjomie na pracu — mora. Kali čałavieku treba zarabić rubiel, to mahčymaść jość», — upeŭnieny kiraŭnik FPB.
Jon dadaŭ, što niekatoryja biespracoŭnyja «nosam kruciać», nie zhadžajučysia na vykanańnie peŭnych rabot. «A što da dapamohi, jaje ž niadaŭna padniali: jana była ŭ rajonie 40 tysiač, ciapier 121 tysiača. U toj ža čas, kali čałaviek nie moža pracavać, naprykład, pa invalidnaści, jon atrymlivaje inšyja dapamohi», — adznačyŭ staršynia fiederacyi.
