«Pierakanany, što realizacyja takich prajektaŭ budzie spryjać pavyšeńniu dabrabytu hramadzian Rasii i Biełarusi», — skazaŭ Pucin.
«Surjoznuju addaču čakajem ad realizacyi sumiesnych prajektaŭ u śfiery enierhietyki, mašynabudavańnia i pieradavych technałohij», — skazaŭ Uładzimir Pucin na pres-kanfierencyi pa vynikach pieramovaŭ z Alaksandram Łukašenkam. Jon asabliva vyłučyŭ prajekt pabudovy biełaruskaj AES, «jaki maje ŭsie šancy stać najbujniejšym u sučasnaj historyi dvuchbakovych adnosin». Pucin akcentavaŭ, što na pieramovach byli razhledžany takija kirunki inviestycyjnaha ŭzajemadziejańnia, jak, u pryvatnaści, stvareńnie chołdynhu «Rośbiełavto» na bazie aktyvaŭ «KaMAZa» i «MAZa». «Pierakanany, što realizacyja takich prajektaŭ budzie sadziejničać ustojlivamu ekanamičnamu raźvićciu našych krain, a značyć i pavyšeńniu dabrabytu hramadzian Rasii i Biełarusi», — skazaŭ Pucin.
Baki taksama «damovilisia nie źnižać tempy ŭ pierachodzie da jakasna novaj prystupki intehracyi — Jeŭrazijskaha ekanamičnaha sajuza», — zajaviŭ Pucin.
