Dvuchhadzinnyja znosiny prachodzili praz dvajnoje škło pa telefonie, paviedamiła BiełaPAN žonka palityka Maryna Adamovič. Pavodle jaje słoŭ, Statkievič «vyhladaje narmalna». «Jon absalutna nie źmianiŭsia psichałahična. Jak zaŭsiody badziory, navat, napeŭna, staŭ šyrejšy ŭ plačach, bo šmat zajmajecca sportam. Vyvučaje anhlijskuju movu», — raskazała Adamovič.
Jana taksama paviedamiła, što ŭ siaredzinie lipienia moža być pierahledžany režym utrymańnia Statkieviča sa strohaha na zvyčajny. «Adnak z pačatku maja da jaho znoŭ stali čaplacca, vynieśli papiaredžańnie. Tamu ŭźnikajuć sumnieńni ŭ stanoŭčym vyniku», — adznačyła žonka palityka.
Adamovič taksama raskazała, što adryvačna ŭdałosia pahavaryć i ab palityčnaj situacyi. «Jaho pazicyja nie źmianiłasia, jana zastałasia takoj ža, jakoj była ŭ prysłanych raniej listach. Pavodle słoŭ Mikałaja, apazicyja błytaje bajkot vybaraŭ ź niaŭdziełam u ich. Bajkot moža adbycca tolki tady, kali budzie pryznana, što vybary nie adbylisia. U siońniašniaj biełaruskaj situacyi heta niemahčyma. Tamu ŭvieś čas treba stavić ułady pierad vybaram: pačynać mianiacca ci praciahvać brutalnyja dziejańni, što aznačaje pamianšeńnie tak nieabchodnych im ekanamičnych ulivańniaŭ», — skazała žonka Statkieviča.
Pavodle jaje słoŭ, Statkievič raiŭ nie bajacca «frakcyi hienierała Zajcava» (staršyni KDB. — BiełaPAN.), bo jana chutka siabie dyskredytuje. «Taksama jon prasiŭ pieradać svaim siabram, kaleham, znajomym, što ŭchilacca ad baraćby nielha. Kali ž pa niejkich pryčynach aktyŭna zmahacca nie atrymlivajecca, to treba chacia b nie pieraškadžać dziejničać inšym», — skazała Adamovič.
Statkievič paraiŭ žoncy być hatovaj da luboha raźvićcia situacyi. «Jon ličyć, što spadziavacca na amnistyju — duraść i pastka», — padkreśliła Adamovič.
Jana taksama paviedamiła, što listy da Statkieviča, jak praviła, nie dachodziać, a kali jany byli adpraŭleny zakaznym sposabam, to ich prynosiać pustymi.
Nahadajem, u mai 2011 hoda sud pryznaŭ Mikałaja Statkieviča vinavatym u arhanizacyi masavych biesparadkaŭ i pryhavaryŭ jaho da šaści hadoŭ pazbaŭleńnia voli ŭ kałonii ŭzmocnienaha režymu. Jon adbyvaŭ pakarańnie ŭ škłoŭskaj kałonii № 17, adnak 15 studzienia 2012 hoda byŭ pieraviedzieny ŭ mahiloŭskuju turmu № 4. Pryčynaj stała aficyjnaje pradstaŭleńnie administracyi kałonii, zhodna ź jakim asudžany palityk «nie staŭ na šlach vypraŭleńnia», «da
