Kiraŭnik najbujniejšaj u ZŠA strachavoj kampanii American International Group (AIG) Robiert Benmaš zajaŭlaje, što ciapierašni kryzis jeŭrazony paćviardžaje nieabchodnaść padniać piensijny ŭzrost da 80 hadoŭ u suviazi z usio bolšaj praciahłaściu žyćcia.
«Piensijny ŭzrost daviadziecca pavysić da 70–80 hadoŭ», — skazaŭ u intervju Bloomberg Benmaš, jakomu na minułym tydni spoŭniłasia 68 hadoŭ.
«Heta dazvolić zachavać piensii i miedycynskuju strachoŭku na prymalnym uzroŭni. U vyniku ludzi buduć daŭžej pracavać, i heta źnizić nahruzku na moładź», — patłumačyŭ jon.
Na dumku Benmaša, vychad Hrecyi ź jeŭrazony stanie katastrofaj, tamu inšyja krainy abaviazanyja zrabić usio, kab praduchilić heta.
«Ludzi ŭ Hrecyi pavinnyja pryzvyčaicca da taho, što z hetaj situacyi niama prostaha vychadu… Kali jany ŭviaduć svaju nacyjanalnuju valutu, heta pryviadzie da vielizarnaj inflacyi i razburalnych nastupstvaŭ dla ludziej, jakija majuć fiksavany dachod», — upeŭnieny Benmaš.