Sprava byłoha pieršaha sakratara BRSM i byłoha namieśnika staršyni Viciebskaha abłvykankama Leanida Kavalova razhladajecca ŭ Minskim haradskim sudzie.
Hetuju infarmacyju Tut.by paćvierdzili ŭ staličnym sudzie. Sudździa, jakaja viadzie spravu Kavalova, kateharyčna admoviłasia ad jakich-niebudź kamientaroŭ.
Nahadajem, što infarmacyja pra zatrymańnie Leanida Kavalova za atrymańnie chabaru ŭpieršyniu źjaviłasia jašče letam 2011 hoda. Nieŭzabavie jon byŭ vyzvaleny ad zajmanaj pasady.Adnak kandydaturu pierajemnika na pasadu Kavalova zaćvierdzili tolki ŭ lutym 2012 hoda.
Varta adznačyć, što na hetaj pasadzie Kavaloŭ paśpieŭ papracavać tolki paŭtara hoda. Da hetaha ŭ 2009 hodzie jon byŭ niekalki miesiacaŭ u roli namieśnika staršyni Viciebskaha harvykankama, kudy byŭ pieraviedzieny z pasady načalnika ŭpraŭleńnia spravami Minskaha abłvykankama.
Adnak viadomaść uradženiec Baranavickaha rajona atrymaŭ, budučy ŭ 2005-2008 hh. pieršym i druhim sakratarom CK HA "BRSM".Da hetaha za plačyma Kavalova była praca staršynioj praŭleńnia kałhasa imia Kirava Baranavickaha rajona (1999-2003) i pieršym namieśnikam staršyni Bresckaha rajvykankama (2004-2005).
0
0
0
0
0
0
