«Heta było karotkaterminovaje spatkańnie, ŭsiaho 2 hadziny, bačylisia praz škło», — raspaviała Maryna Łobava. Žančyna ździŭlajecca, što spatkańnie ŭvohule dazvolili, bo pavodle jaje syna jaho pakarali za parušeńnie dyscypliny i pazbavili častki spatkańniaŭ. Akazałasia, što pakarańnie vyjaviłasia tolki ŭ abmiežavańni kolkaści hrošaj, jakija možna mieć na rachunku.
«Spačatku ja była na spatkańni ź im, jon skazaŭ, što tak, na budučyniu pazbavili doŭhaterminovaha spatkańnia. A potym ja pajšła ŭ štab i tam mnie skazali, što nie, spatkańnia nie pazbavili. Tolki hrošy skaracili i abviaścili vymovu. Ale sam jon hetaha jašče nia viedaje, budu pisać jamu list — paraduju».
Eduard Łobaŭ asudžany na 4 hady pavodle abvinavačańnia ŭ chulihanstvie. Pavodle sudu, razam sa Źmitrom Daškievičam jany nibyta źbili minakoŭ u Miensku. Heta zdaryłasia za dzień da prezydenckich vybaraŭ. U sudzie paciarpiełyja davali pakazańni, schavaŭšy tvary ad publiki. Łobaŭ i Daškievič zajavili, što bojku spravakavali specsłužby. Eduarda Łobava — u Ivacevickaj kalonii.
