U Babrujsku na najvialikšych haradzkich mohiłkach, što na vulicy Mienskaj, raźbityja i pavalenyja niekalki nadmahillaŭ. Chto i kali ich paškodziŭ, nieviadoma.Pra zdareńnie na mohiłkach paviedamiŭ «Svabodzie» žychar Babrujska Viktar.
«Ja prajaždžaŭ niepadalok ad mohiłak i źviarnuŭ uvahu na pavalenyja nadmahilnyja pomniki. Ja zajšoŭ na terytoryju, i na ŭłasnyja vočy pabačyŭ dva źniaviečanyja pachavańni. Kali ja pryjšoŭ na mohiłki, tam byli milicyjanty»? — kaža Viktar.
Dziažurny babrujskaha ŭpraŭleńnia ŭnutranych spraŭ paćvierdziŭ, što mohiłki sapraŭdy apahanili. Kolki paškodžana nadmahillaŭ, jon nie ŭdakładniŭ.
3 červienia ŭ Mahilovie nieviadomyja apahanili pamiatny znak achviaram Hałakostu. Pomnik zalili karyčnievaj farbaj.
Sioleta ŭ tym ža Babrujsku ŭ byłym budynku jezuickaha kaściołu źjavilisia antykatalickija nadpisy. U listapadzie 2011 hodu nieviadomyja śpisali aharodžu miascovaj synahohi antysemickimi lozunhami i pabili vokny. Uviesnu 2011-ha akt vandalizmu byŭ ździejśnieny na habrejskich mohiłkach Asipovičaŭ. Byli raźbityja j pavalenyja niekalki nadmahillaŭ.
