Kab spynić rost taryfaŭ ŽKH, Łukašenka achviaruje dachodami dziaržbiudžetu. Admienieny padatak na dabaŭlenuju vartaść na abaroty ŽKH.
Kab spynić rost taryfaŭ ŽKH, Łukašenka achviaruje dachodami dziaržbiudžetu. Admienieny padatak na dabaŭlenuju vartaść na abaroty ŽKH.
Ukazam kiraŭnika Biełarusi ad abkładańnia padatkam na dabaŭlenuju vartaść vyzvalajucca abaroty pa realizacyi budaŭničych pracaŭ i ramoncie žytła, a taksama žyllova‑kamunalnyja pasłuhi fizyčnym asobam, paviedamiła dziaržaŭnaje ahienctva BIEŁTA. Adpaviedny ŭkaz A. Łukašenki numar 138 «Ab niekatorych pytańniach abkładańnia padatkam na dabaŭlenuju vartaść» byŭ padpisany 26 sakavika.
U abhruntavańni, raspaŭsiudžanym prezydenckaj pres-słužbaj, havorycca, što «takija miery pryniaty ŭ metach niedapuščeńnia rostu cenaŭ i taryfaŭ na žyllova‑kamunalnyja i ekspluatacyjnyja pasłuhi, jakija akazvajucca fizyčnym asobam, a taksama na raboty pa budaŭnictvie i ramoncie žyllovaha fondu».
Dziela taho kab abmiežavać rost kamunalnych vypłataŭ, ułady pajšli na čarhovaje abmiežavańnie biudžetnych pastupleńniaŭ. PDV za kamunalnyja pasłuhi i budaŭničyja pracy składała istotnuju častku dziaržaŭnaha biudžetu.
Raniej źnizilisia dachody biudžetu ad naftapierapracoŭki. U hetaj sytuacyi ŭrad robicca nadzvyčaj zaležnym ad atrymańnia rasijskaha stabilizacyjnaha kredytu. Nahadajem, što Biełaruś źviarnułasia da Maskvy z prośbaj ab vydačy hihanckaha kredytu pamieram 1,5 miljarda dalaraŭ. Rašeńnie pa im jašče nie pryniata.
23 sakavika premjer-ministry Biełarusi i Rasiei padpisali ŭ Miensku handlova-ekanamičnuju damovu, niavyhadnuju dla biełaruskaj charčovaj pramysłovaści. Naziralniki źviazvajuć padpisańnie hetaj damovy z žadańniem uradu atrymać zhodu Maskvy 1,5-miljardny kredyt.
Kamientary