Aramnaŭ «adnaznačna» jedzie na Alimpijadu 2

Štanhist Andrej Aramnaŭ — «adnaznačna ŭdzielnik Alimpijskich hulniaŭ u Łondanie», niahledziačy na jaho ciapierašnija prablemy,

zajaviŭ BiełaPAN hałoŭny trenier zbornaj Biełarusi pa ciažkaj atletycy Alaksandr Hančaroŭ.

Pavodle jaho słoŭ, pieramožca Alimpijady 2008 hoda ŭ Piekinie ŭ katehoryi da 105 kh Aramnaŭ źjaŭlajecca «spartsmienam numar adzin u płanie zavajovy miedala» na budučych Hulniach, ad jaho čakajuć uznaharody hetak ža, jak ad Andreja Rybakova (da 85 kh) i Anastasii Novikavaj (da 58 kh).

Aramnaŭ z-za traŭmy kiści nie vystupaŭ na niadaŭnim čempijanacie krainy, tamu jaho apošnim pieradalimpijskim vystupleńniem stała 19 červienia spartakijada školnikaŭ.

Spartsmien spraviŭsia z ryŭkom, ale z-za bolšaj vahi štanhi ŭ šturšku atrymaŭ traŭmu ściahna. «Aramnaŭ pieraacaniŭ svaje mahčymaści, — miarkuje Hančaroŭ. — Spadziajusia, jon zrobić peŭnyja vysnovy. Ź siońniašniaj situacyi trahiedyi nie rablu, čas jašče jość. Važna, kab ciapierašniaja traŭma nie była surjoznaj». Trenier raźličvaje, što spartsmien zdoleje sahnać vahu ź ciapierašnich 110 da «bajavych» 105 kh.

U mai 2009 hoda Aramnaŭ byŭ aštrafavany na 150 bazavych vieličyniaŭ (5,25 młn. rubloŭ, abo 1,9 tys. dołaraŭ ZŠA) za kiravańnie aŭtamabilem u niećviarozym stanie. Z hałoŭnym trenieram Hančarovym u spartsmiena nieadnarazova ŭźnikali kanflikty.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH