Najbolš ałkaholu kuplajuć u Kastryčnickim rajonie Minska, najmienš — u Frunzienskim

U studzieni-mai 2012 hoda ŭ Minsku abjektami roźničnaha handlu i abjektami hramadskaha charčavańnia realizavana ałkaholnych napojaŭ na 1 trłn 399,5 młrd rubloŭ, ci 90,1% da ŭzroŭniu studzienia-maja 2011 hoda. Takija dadzienyja apublikavała Hałoŭnaje statystyčnaje ŭpraŭleńnie Minska. Bolš za 90% ałkaholu ŭ horadzie pradajecca praz abjekty roźničnaha sietki.

Udzielnaja vaha prodažu ałkaholnych napojaŭ abjektami roźničnaha (handlovaj) sietki ŭ roźničnym tavaraabarocie handlu charčovymi praduktami, napojami i tytuniovymi vyrabami skłaŭ 17,7%, abjektami hramadskaha charčavańnia ŭ roźničnym tavaraabarocie hramadskaha charčavańnia — 13%.

U struktury prodažu ałkaholnych napojaŭ

u pieraliku na absalutny ałkahol u abjektach roźničnaha handlovaj sietki Minska pa-raniejšamu najbolšaja dola prypadaje na realizacyju harełki, piva i vinaŭ pładovych — 49,8%, 17,5% i 11,9% adpaviedna.

Varta adznačyć, što

pry ahulnym panižeńni abjomaŭ realizacyi ałkaholnych napojaŭ pa horadzie ŭ paraŭnańni z uzroŭniem studzienia-maja minułaha hoda realizacyja harełki abjektami roźničnaj sietki pavialičyłasia na 3,6%, piva — na 4,8%, vin pienistych, uklučajučy šampanskaje, — na 13,5%.

Struktura prodažu ałkaholnych napojaŭ u pieraliku na absalutny ałkahol u abjektach hramadskaha charčavańnia Minska trochi adroźnivajecca ad struktury prodažu ałkaholnych napojaŭ u pieraliku na absalutny ałkahol u abjektach roźničnaj sietki. Tak, kali ŭ abjektach hramadskaha charčavańnia najbolšaja dola, jak i ŭ abjektach roźničnaj sietki, prychodziłasia na realizacyju harełki — 44,4%, to dola realizacyi piva ŭ abjektach hramadskaha charčavańnia značna vyšej — 29,3%.

Abjomy prodažu harełki ŭ abjektach hramadskaha charčavańnia Minska ŭ studzieni-mai 2012 hoda pa paraŭnańni z studzieniem-majem 2011 hoda źniziłasia na 9,8%, piva — na 11%, likiora-harełačnych vyrabaŭ — na 13,1%.

Prodaž ałkaholnych napojaŭ na dušu nasielnictva ŭ pieraliku na absalutny ałkahol praz abjekty roźničnaj handlovaj sietki i abjekty hramadskaha charčavańnia ŭ studzieni-mai 2012 skłała 4,1 litra. Pry hetym u naturalnym vyražeńni na dušu nasielnictva imi realizavana 2,6 litra vinaŭ pładovych, 5,1 litra harełki, 18,3 litra piva.

Najvyšejšy ŭzrovień prodažu ałkaholnych napojaŭ na dušu nasielnictva ŭ pieraliku na absalutny ałkahol skłaŭsia ŭ Kastryčnickim rajonie — 7,6 litra. Uzrovień prodažu ałkaholnych napojaŭ na dušu nasielnictva ŭ pieraliku na absalutny ałkahol vyšej za siaredni pa horadzie adznačany taksama ŭ Zavodskim, Partyzanskim i Centralnym rajonach.

Pry isnujučych tempach realizacyi ałkaholnych napojaŭ ich prodaž na dušu nasielnictva ŭ pieraliku na absalutny ałkahol da kanca 2012 hoda moža skłaści 9,8 litra, što mienš za ŭzrovień 2011 hoda (10,5 litra), i hety pakazčyk stanie samym nizkim z 2005 hoda.

Ad 2005 da 2011 hoda prodaž ałkaholnych napojaŭ na dušu nasielnictva ŭ pieraliku na absalutny ałkahol dasiahała najbolšaj vieličyni ŭ 2008 hodzie — 13 litraŭ.

• 0
• 0
• 0
• 0
• 0
• 0
• 0
• 0