Mikałaj Statkievič atrymaŭ 10 sutak karcara ŭ Mahiloŭskaj turmie № 4. Žonka palitviaźnia aścierahajecca, što da terminu Statkieviču dadaduć jašče hod i niepakoicca za jaho žyćcio.
Maryna Adamovič raspaviała, što Mikałaj Statkievič pieraviedzieny ŭ štrafny izalatar Mahiloŭskaj turmy № 4. Toje, što adbyłosia, žančyna źviazvaje ź niadaŭniaj pravakacyjaj suprać Statkieviča. Jak adznačałasia raniej, u kamieru da
— Na svaje papiarednija zvaroty ŭ prakuraturu z pryčyny pravakacyi ja nie atrymała nijakaj reakcyi. Heta śviežaje pakarańnie, jak ja razumieju, jość praciaham pravakacyi.Pravakujuć, a potym za heta sadžajuć u karcar. Mnie całkam vidavočna, što paćviardžajucca čutki, jakija atrymlivali raniej, ab tym, što jany sprabujuć padrychtavać Mikałaja da pavieličeńnia terminu pakarańnia pa 411 artykule, — paviedamiła Maryna Adamovič.
Artykuł 411 Kryminalnaha kodeksu «Złosnaje niepadparadkavańnie patrabavańniam administracyi papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli «moža dadać da terminu jašče hod.
— Kali Mikałaja pieraviali ŭ Mahiloŭskuju turmu, i vyśvietliłasia, što jon u SIZA, my z advakatam pajechali da načalnika turmy, i ad jaho ja pačuła, što Mikałaj «schilny da suicydu».Na toj momant jakraz była viadomaja infarmacyja pra Aŭtuchoviča. Tamu ja padumała, što jon prosta pierabłytaŭ, — uspaminaje Maryna Adamovič.
Ale ciapier žonka palitviaźnia Mikałaja Statkieviča znoŭ atrymlivaje padobnuju infarmacyju pra sproby suicydu.
Žančyna surjozna baicca za žyćcio svajo muža.
— Napeŭna, u ich jość takaja «chatniaja zahatoŭka», kab u krajnim vypadku mieć mahčymaść apraŭdać svaje dziejańni, — adznačaje Maryna Adamovič. — Ja navat nie viedaju, što ja budu rabić, kudy ja budu źviartacca.
Ja ŭžo nie razumieju, u jakija instancyi možna źviarnucca. Amnistyju dačakalisia, što budziem čakać dalej — nieviadoma.
Nahadajem, zhodna z vyrakam suda Leninskaha rajona Mienska ad 26 maja 2011 hoda Mikałaj Statkievič pavinien byŭ adbyć 6 hadoŭ pazbaŭleńnia voli ŭ kałonii ŭzmocnienaha režymu pa abvinavačvańni ŭ arhanizacyi masavych biesparadkaŭ paśla prezidenckich vybaraŭ. Adnak, paśla pałovy terminu, režym jaho ŭtrymańnia staŭ bolš žorstkim — Statkieviča pieraviali ŭ Mahiloŭskuju turmu.
