Siońnia Respublikanski instytut kantrolu viedaŭ abviaściŭ vyniki adnaho z samych ciažkich dla abituryjentaŭ vyprabavańniaŭ — centralizavanaha testavańnia pa matematycy. Jak i ŭ minułyja hady, vyniki tut niesuciašalnyja, chacia «stobalnikaŭ» hetym razam stała bolš.
Dyrektar RIKV Mikałaj Fiaśkoŭ paviedamiŭ, što pa 100 bałaŭ atrymali 46 abituryjentaŭ (letaś — 33). Razam z tym, infarmuje
«Kab atrymać 7 bałaŭ, udzielnikam testavańnia treba było vykanać ŭsiaho 3–4 zadańni z 30 mahčymych», — kanstatuje Fiaśkoŭ.
Dyrektar RIKV zapeŭnivaje, što ŭsie zadańni, prapanavanyja ŭdzielnikam CT pa matematycy sioleta, byli raspracavanyja ŭ strohaj adpaviednaści z patrabavańniami školnaj prahramy i prahram ustupnych vyprabavańniaŭ.
«Testy pa matematycy źmiaščali tolki zadańni, pasilnyja dla abituryjentaŭ roznaha ŭzroŭniu padrychtoŭki», — skazaŭ jon.
Heta značyć, što kožny, navat abituryjent, «jaki vypadkova zajšoŭ» i prosta vyrašyŭ pahulacca na vyprabavańni, moh adšukać u teście pasilnaje zadańnie i rašyć jaho. Tym nie mienš, 796 udzielnikaŭ CT pa matematycy prajšli vyprabavańnie z vynikam 0 bałaŭ.
