ЦТ па матэматыцы: амаль 800 чалавек набралі 0; а 11 тыс. не перасягнулі парог у 7 балаў
Чарговыя шакуючыя вынікі тэставання.
Сёння Рэспубліканскі інстытут кантролю ведаў абвясціў вынікі аднаго з самых цяжкіх для абітурыентаў выпрабаванняў — цэнтралізаванага тэставання па матэматыцы. Як і ў мінулыя гады, вынікі тут несуцяшальныя, хаця «стобальнікаў» гэтым разам стала больш.
Дырэктар РІКВ Мікалай Фяськоў паведаміў, што па 100 балаў атрымалі 46 абітурыентаў (летась — 33). Разам з тым, інфармуе
«Каб атрымаць 7 балаў, удзельнікам тэставання трэба было выканаць ўсяго 3–4 заданні з 30 магчымых», — канстатуе Фяськоў.
Дырэктар РІКВ запэўнівае, што ўсе заданні, прапанаваныя ўдзельнікам ЦТ па матэматыцы сёлета, былі распрацаваныя ў строгай адпаведнасці з патрабаваннямі школьнай праграмы і праграм уступных выпрабаванняў.
«Тэсты па матэматыцы змяшчалі толькі заданні, пасільныя для абітурыентаў рознага ўзроўню падрыхтоўкі», — сказаў ён.
Гэта значыць, што кожны, нават абітурыент, «які выпадкова зайшоў» і проста вырашыў пагуляцца на выпрабаванні, мог адшукаць у тэсце пасільнае заданне і рашыць яго. Тым не менш, 796 удзельнікаў ЦТ па матэматыцы прайшлі выпрабаванне з вынікам 0 балаў.
Каментары