Urad raźličvaje na rekordny ŭradžaj 1

Urad raźličvaje na toje, što ŭ Biełarusi sioleta budzie sabrany vielmi dobry ŭradžaj zbožža.

Ab hetym zajaviŭ siońnia žurnalistam prem'jer-ministr Biełarusi Michaił Miaśnikovič u čas rabočaj pajezdki pa Bresckaj vobłaści.

«Nadziei na ŭradžaj vielmi dobryja. Dumaju, što pa zbožžavych i kukuruzie my budziem mieć vysokija i, moža, navat rekordnyja abjomy zbožža ŭ hetym hodzie», — adznačyŭ prem'jer-ministr.

Niahledziačy na toje, što viasna była chałodnaj i dastatkova zaciažnoj, ahraryi płanujuć sabrać vialiki abjom zbožža. Uboračnuju kampaniju pačali ŭ Bresckaj i Homielskaj abłaściach. Asablivaja ŭvaha ŭdzialajecca ŭborcy azimaha jačmieniu. U bližejšy čas u haspadarkach pačnuć uborku rapsu. Ciapier hałoŭnaje — svoječasova padrychtavać zierniesušylnyja kompleksy i zbožžaschoviščy, padkreśliŭ Michaił Miaśnikovič. «Jość peŭnaje adstavańnie, ale ja dumaju, što ŭ adpaviednaści z tymi hrafikami, ab jakich my damaŭlalisia, 73 novyja zierniesušylnyja kompleksy buduć uviedzieny, i stapracentnaja hatoŭnaść dziejučych takich abjektaŭ budzie zabiaśpiečana da 1 žniŭnia».

Siońnia ŭ čas rabočaj pajezdki pa Bresckaj vobłaści prem'jer-ministr aznajomiŭsia z chodam mantažu i ŭstanoŭki novaha zbožžasušylnaha kompleksu ŭ haspadarcy «Sporava». Kiraŭnika ŭrada prainfarmavali ab chodzie praviadzieńnia takich rabot u inšych rajonach vobłaści. Było adznačana, što ŭ bližejšy čas čaćviortaja čarha budzie ŭviedziena na Ivacevickim kukuruzakalibrovačnym zavodzie nasiennaha materyjału.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH