Jahonyja partniory pišuć pračułyja słovy padtrymki.
Biełaruski ravaryst Kanstancin Siŭcoŭ, jaki braŭ udzieł u honcy «Tur de Frans», trapiŭ u zavał. Biełarus niekatory čas nie moh uźniacca — u jaho byli prablemy z nahoj.
Jak vyśvietliłasia paźniej, Siŭcoŭ pakinuŭ honku, staŭšy pieršym, chto pakidaje «Tur de Frans». Pavodle infarmacyi z kamandy Sky, biełarus złamaŭ levy halenastop.
«Siońnia byŭ chaos! Ja byŭ vielmi blizka ad vialikaha zavału, ale na ščaście vystajaŭ! U adroźnieńnie ad svajho partniora Kości. Jon złamaŭ halonku. Papraŭlajsia chutčej, chłopča!» — napisaŭ u svaim tvitary Mark Keviendyš.
«Mnie vielmi škada našaha biełaruskaha sałdata Kościu! Jon ciapier u lakarni sa złamanaj nahoj. Papraŭlajsia chutčej, chłopiec!» — adznačyŭ Biernard Ajziel.
«Na ščaście, hety etap zzadu. Moj susied i partnior pa kamandzie Kościa Siŭcoŭ złamaŭsia ŭ adnym sa šmatlikich zavałaŭ. Viartajsia chutčej, Kościa!» — napisaŭ Majkł Rodžers.
Paćvierdziŭ dyjahnaz i mieniedžar Sky Šon Jets: «Vielmi škada. Kościa siońnia źjazdžaje dadomu».Aficyjny tvitar kamandy vyjšaŭ z nastupnym paviedamleńniem:
«My paćviardžajem, što Kanstancin Siŭcoŭ u vyniku siońniašniaha padzieńnia złamaŭ levuju halonku. Kožny honščyk „Skaj“ spačuvaje Kościu i žadaje jamu chutčejšaha vyzdaraŭleńnia».
Kamientary