Biełaruskaja partyja levych «Spraviadlivy śviet» maje namier vyłučyć 40 kandydataŭ u deputaty na parłamienckich vybarach, paviedamiŭpres-sakratar partyi Siarhiej Vaźniak.
Pavodle jaho słoŭ, 1 lipienia ŭ Minsku prajšoŭ plenum partyi. «Na im vyśvietliłasia, što 40 partyjnych aktyvistaŭ majuć namier pasprabavać svaje siły ŭ baraćbie za deputacki mandat», — adznačyŭ Vaźniak.
«Na plenumie była pryniata stratehija partyi na vybarach. Svaim udziełam my majem namier dasiahnuć čatyry asnoŭnyja mety.
Na plenumie taksama abmiarkoŭvałasia pytańnie ab taktycy kandydataŭ u deputaty padčas vybaraŭ. «Niekatoryja našy členy vystupali z pytańniem ab metazhodnaści źniaćcia kandydataŭ pierad pačatkam daterminovaha hałasavańnia. Viadoma, źniaćcie pavinna być spryčyniena ŭmovami praviadzieńnia vybarčaj kampanii.
Adnak bolšaść udzielnikaŭ plenuma vyrašyli, što našy kandydaty ŭ vybarčaj kampanii pojduć da kanca», — paviedamiŭpres-sakratar .
Vaźniak zajaviŭ, što hetaje rašeńnie plenuma abaviazkovaje dla vykanańnia ŭsimi patencyjalnymi kandydatami ŭ deputaty. «Kali raniej zajavy ab hatoŭnaści ŭ vybarčaj kampanii iści da kanca byli pryvatnym mierkavańniem staršyni partyi Siarhieja Kalakina abo inšych kiraŭnikoŭ partyi, to ciapier heta — rašeńnie plenuma. Admianić jaho moža tolki źjezd», — padkreśliŭ jon.
Źjezd partyi, pavodle infarmacyi Vaźniaka, projdzie 5 žniŭnia.Jon budzie techničnym. U lipieni adbuducca plenumy abłasnych arhanizacyj partyi i Minskaj haradskoj, jakija vyłučać delehataŭ. Takim čynam, buduć abrany 42 delehaty źjezda — pa šeść ad abłaściej i Minska.
Vaźniak taksama paviedamiŭ, što «Spraviadlivy śviet» užo vyłučyŭ 89 pradstaŭnikoŭ u skład akruhovych vybarčych kamisij.
«Partyja na vybarach maje namier dziejničać surjozna, i vyłučeńnie pradstaŭnikoŭ u skład akruhovych kamisij heta pakazała. Usiaho ŭ Biełarusi 110 vybarčych akruh, i my zakryvajem ich amal usie. Našy pradstaŭniki vyłučany va ŭsie akruhovyja kamisii Minska i Homielskaj vobłaści. Mahli b zakryć i poŭnaściu ŭsiu Biełaruś, ale ŭ niekatorych rehijonach u nas niama zarehistravanych partyjnych struktur», — adznačyŭ Vaźniak.
Miascovyja partyjnyja struktury da 6 lipienia pavinny padrychtavać nieabchodnyja dakumienty i padać ich u vykankamy, jakija farmirujuć akruhovyja vybarčyja kamisii.
