U škłoŭskaj Aleksandryi z razmacham adznačać Kupalle 1

Na radzimie Łukašenki ŭ v. Aleksandyja (Škłoŭski rajon) 6–7 lipienia projdzie śviatkavańnie Kupalla «Aleksandryja źbiraje siabroŭ». Prahrama śviatkavańniaŭ nadzvyčaj bahataja, jaje publikuje BiełTA.

Padkreślivajecca, što da miesca praviadzieńnia śviata možna dabracca čyhunačnym, hramadskim aŭtamabilnym, a taksama asabistym transpartam. Dla dastaŭki haściej śviata razam z rucham transpartu pa asnoŭnym raskładzie buduć arhanizavany dadatkovyja rejsy pryharadnych ciahnikoŭ. U hetyja dni taksama budzie pracavać pasažyrski transpart pa asnoŭnych i dadatkovych maršrutach.

Śviatkavańnie pačniecca 6 lipienia, a 11-j ranicy z pasiadžeńnia Asacyjacyi handlova-pramysłovych pałat Prydniaproŭja z udziełam kiraŭnikoŭ handlova-pramysłovych pałat Biełarusi, Ukrainy i Rasii. Pasiadžeńnie projdzie ŭ Centry kultury i volnaha času ahraharadka Aleksandryja.

A 16-j hadziny pačniecca praca «Haradoŭ majstroŭ» z vystavaj-kirmašom narodnych ramiostvaŭ «Kupalskaikarahod». Projdzie taksama vystava plemiannych arhanizacyj žyviołahadoŭli.

U 17:10 pačnucca pakazalnyja vystupleńni hrupy samalotaŭ Jak-52 z vysadkaj parašutystaŭ Mahiloŭskaha aerakłuba.

Z 19:00 da 22:30 adbudziecca hała-kancert majstroŭ mastactvaŭ Biełarusi, Rasii, Ukrainy «Słavianski karahod na kupalskim śviacie». Centralnaja kancertnaja placoŭka śviata. U 22:30 — śviatočny fiejervierk, łaziernaje šou.

Z 22:45 da 00:30 zapłanavana śviatočnaja abradavaja prahrama «Kupalskaja kazka»: vystupy etnahrafičnych, aŭtentyčnych i falkłornych kalektyvaŭ Mahiloŭskaj vobłaści, abłaściej Respubliki Biełaruś. Adbudziecca ŭračystaść na scenie na pantonach na levym bierazie Dniapra z boku v. Kopyś.

U noč na subotu — zabaŭlalnaja tancavalnaja prahrama «Oj, rana na Ivana…." dla moładzi z udziełam lepšych dy-džejaŭ Biełarusi, Rasii, Ukrainy, estradnych hrup i vykanaŭcaŭ. Centralnaja kancertnaja placoŭka.

U subotu, 7 lipienia, projdzie kancertnaja prahrama łaŭreataŭ Mižnarodnaha fiestyvalu dziciačaj tvorčaści «Załataja pčołka», a taksama śviatočnaja kancertnaja prahrama «Kupalski karahod siabroŭ».

Uviečary znoŭ usio zavieršycca kancertnaj prahramaj majstroŭ estrady.

U kancy maja vice-premjer Anatol Tozik asabista inśpiektavaŭ padrychtoŭku da śviata.

0

0

0

0

0

0