Ministr asiarodździa Łatvii Rajmond Viejonis nakiravaŭ aficyjny list biełaruskamu ministru pryrody i achovy asiarodździa Lavonciju Charužyku, dzie aburajecca tym. Što Biełaruś nie paviedamlaje Łatvii ab tym, jakija miera pradprymajuć biełaruskija słužby, kab spynić raspaŭsiud dyzielnaha paliva pa Dźvinie.
«Dyzpaliva pieraciahvaje ciačy ŭ Łatviju. Zaklikaju apieratyŭna infarmavać Łatviju ab efiektyŭnaści mierapryjemstvaŭ pradpryniatych u Biełarusi dziela abmiežavańnia raspaŭsiudžvańnia zabrudžvańnia» — źviartajecca spadar Viejonis da svajho biełaruskaha kalehi.
Heta nie pieršaja pretenzija ad łatyšskaha boku z nahody avaryi na trubapravodzie Unieča‑Vientśpiłs. Tak, raniej dyrektar Dziaržaŭnaha ahienctva asiarodździa Łatvii Vilis Avotynyš zajaviŭ, što ŭ raku trapiła značna bolš salarki, čym paviedamili biełaruskija śpiecyjalisty i situacyja moža skončycca ekałahičnaj katastrofaj. Užo zaraz plonka dyzpaliva pakryvaje bolš za 100 kiłamietraŭ Dźviny (Daŭhavy) na terytoryi Łatvii.
Nahadajem, što 23 sakavika ŭ vyniku avaryi na trubapravodzie Unieča‑Vientśpiłs u Biešankovickim rajonie Viciebskaj vobłaści adbyłasia uciečka bolš za 100 ton dyzpaliva, jakoje trapiła ŭ raku Uła, a potym ŭ Zachodniuju Dźvinu. U 9 hadzin ranicy 26 sakavika plama zabrudžvańnia dasiahnuła łatvijskaha horada Krasłava.
