U minułym hodzie Eŭrapiejskaja Kamisija pradastaviła 7,6 młrd. eŭra dapamohi krainam, što raźvivajucca.
Zhodna z apublikavanymi dadzienymi, u 2006 hodzie Kamisija abjaviła pra akazańnie dapamohi ŭ pamiery 7,6 młrd. eŭra krainam treciaha śvietu. Heta na 55% bolej, čym piać hod tamu.
Pa słovach Benity Ferera‑Valdner, Eŭrapiejskaha Kamisara pa pytańniach źniešnich stasunkaŭ, u 2006 hodzie Eŭrapiejskaja Kamisija pradastaviła «rekordny abjom dapamohi». Kamisar vykazała asablivy honar unioskam Kamisii ŭ biudžet Časovaha mižnarodnaha mechanizmu, nakiravanaha na dapamohu palestynskamu nasielnictvu.
Jak adznačyła Benita Ferera‑Valdner, na siońniašni dzień Kamisija «nia tolki prytrymlivajecca lepšych mižnarodnych standartaŭ, ale i źjaŭlajecca lideram u sfery akazańnia dapamohi krainam treciaha śvietu».
Eŭraźviaz zastajecca najbujniešym donaram mižnarodnaj dapamohi ŭ śviecie. U cełym EZ vydzialaje kala 55% usioj suśvietnaj dapamohi na patreby raźvićcia roznych krainaŭ śvietu. Štohadovy abjom dapamohi, što pradastaŭlajecca Eŭrapiejskaj Kamisijaj i dziaržavami‑členami EZ, dasiahaje 50 młrd. eŭra.
