My maryli pra ŭłasnyja kramy, ułasnyja knihi, ułasnyja...
Ja skončyŭ škołu ŭ Vilejcy vosiem hadoŭ tamu. U kłasie nas było 20 čałaviek: amal paroŭnu — 11 chłopcaŭ i 9 dziaŭčat. Usie adnakłaśniki, kali nie pamylajusia, atrymali vyšejšuju adukacyju. Ciapier im pa 25—26 hadoŭ. Šmat chto pabraŭsia šlubam. Bolšaść z adnakłaśnikaŭ ja nie bačyŭ niekalki hadoŭ, a kahości i ŭsie vosiem. Ja vyrašyŭ adšukać ich, kab pacikavicca, chto čaho dasiahnuŭ u žyćci za hety čas. Nie ŭsie z tych, kaho znajšoŭ, praŭda, adhuknulisia.
Paet z dypłomam ekanamista
Z maim najlepšym siabram Sašam my dumali stać historykami. Prynamsi, ja tak ličyŭ. Dzieści za miesiac da vypusknoha my pasvarylisia — i ŭvieś hety čas nie razmaŭlali. Pamiryli nas tolki ŭ kancy školnaha balu. Padavać dakumienty ŭ BDU my ŭ vyniku pajechali razam. Ale jon užo spyniŭsia na ekanamičnym fakultecie, ja, jak i chacieŭ, — na histfaku. Abodva nie pastupili. Ja praz hod šturmavaŭ žurfak BDU, jaki i skončyŭ. A Saša ŭ toj ža hod pastupiŭ «druhim patokam» u Ahrarny techničny ŭniviersitet.
Paśla VNU jon skončyŭ mahistraturu i pajechaŭ pa raźmierkavańni na poŭdzień krainy — u Lelčycki rajon.Z zarobkam 720 tysiač rubloŭ u SVK prapracavaŭ hałoŭnym ekanamistam hod. Potym u «kantory» ŭźnikli prablemy, a Sašu adpravili ŭ inšy rajon Homielščyny. Spačatku ŭ adnu haspadarku, a zatym — u filijał homielskaha dziaržpradpryjemstva. Zarablaje ciapier kala 3 miljonaŭ.
Zachapleńnie historyjaj sastu-piła miesca litaratury: piša vieršy. I ciapier sa svajho zarobku adkładaje hrošy na vydańnie debiutnaj knihi paezii.
Pryncesa-inžynier
Ź Ninaj ja dzialiŭ partu ceły hod. Naš licejski kłas składaŭsia ź dźviuch hrup: hramadska-ekanamičnaj i fizika-matematyčnaj. Da apošniaj naležała i Nina, chacia i maryła stać jurystam. U vyniku ž skončyła Technałahičny ŭniviersitet u Minsku. I viarnułasia ŭ rodny horad. Vyjšła zamuž.
Pracuje inžynieram-kanstruktaram mebli ŭ filijale bolšaha akcyjaniernaha pradpryjemstva. Zarobak svoj nie chavaje: «U minułym miesiacy atrymała na ruki 3,5 miljonaŭ rubloŭ.U hetym, napeŭna, mienš — «pryviazali» da cecha. Kali cech vykanaje płan — usio okiej! Kali nie — to nie. Ale mianiać pracu žadańnia ŭvohule niama. Padabajecca». Nina, miž inšym, była pryncesaj na vypusknym bali ŭ škole.
Rekardsmienka pa dypłomach
Jak praviła, usio prachodziła ŭ jaje na kvatery: baćki addavali nam samy vialiki pakoj. Joj by mo i pajści dalej raźvivać talent arhanizatara. Chacia padletkam maryła stać nastaŭnicaj albo doktarkaj, a jak skančała škołu — dyzajnierkaj interjeraŭ. Ale skłałasia pa-inšamu. Usie vosiem hadoŭ paśla škoły jana spaścihaje roznyja śpiecyjalnaści. Sioleta Dzina atrymała treci dypłom.Dzina vyłučałasia svajoj zdolnaściu arhanizoŭvać «aftapaci» paśla niejkich aficyjnych školnych mierapryjemstvaŭ.
Adrazu paśla škoły nie pastupiła ŭ VNU i pajšła ŭ PTV — stała majstrychaj-cyrulnicaj 4-ha razradu. Zatym byŭ staličny kaledž technałohii i dyzajnu lohkaj pramysłovaści (madeljerka-kanstruktarka).
Sioleta skončyła jašče i Viciebski technałahičny ŭniviersitet — technołah.
«Mnie nie patrebnyja try dypłomy — u mianie zusim nie było mety ich kalekcyjanavać. Heta nastupstvy niavyznačanaści ŭ vybary. I da siońnia naviedvajuć dumki pra źmienu śpiecyjalnaści i atrymańnie sapraŭdy zapatrabavanaj adukacyi».
Dzina pracuje ŭ Homieli ŭ pryvatnaj firmie pa pašyvie dziciačaha abutku hałoŭnym kanstruktaram-technołaham. Paśla kaledža źjechała tudy pa raźmierkavańni i zastałasia. Atrymlivaje 2,1 miljony rubloŭ. Jak bonus — firma apłočvaje zdymnuju kvateru.
Pieršyja tata i mama
Dzima nie vyłučaŭsia nadta ŭ škole. Paśla niejkaha kanfliktu ź Ninaj jon zaniaŭ jaje miesca sa mnoj za partaj. My abodva «nie siekli» ŭ hieamietryi (i jašče ŭ paračcy pradmietaŭ), praz što časta davodziłasia niasoładka. Jon adnym ź pieršych adnakłaśnikaŭ ažaniŭsia i staŭ baćkam: haduje dačku. Pra žadańnie Dzimy stać vajskoŭcam, kali nie pamylajusia, šyroka stała viadoma ŭ 11 kłasie. Chacia jašče «ŭ dziacinstvie lubiŭ usio, što źviazana z vajskoŭcami — filmy, knihi. A ciapier niedzie krychu i patryjatyzmu jość — kamuści ž treba».
Pastupiŭ u Vajskovuju aka-demiju, atrymaŭ zvańnie staršaha lejtenanta. Pracuje namieśnikam načalnika vuzła suviazi.«Zarobak apošni 3,3 młn, ale heta z bajavymi dziažurstvami. A čystymi — 2,7 młn». Razam ź Dzimam pracuje i adnakłaśnik Arciom. Jon, praŭda, skončyŭ Minski vyšejšy avijacyjny kaledž.
Kacia stała pieršaj mamaj siarod maich adnakłaśnic. Ale heta było ŭžo paśla škoły, paśla VNU. A ŭ 10—11 kłasach jana, jak i ja, vučyłasia ŭ hramadska-ekanamičnaj hrupie.
Kacia ŭ dziacinstvie maryła stać bankiram, a dypłom atrymała inžyniera. Paśla zakančeńnia Ahrarnaha techničnaha ŭniviersiteta ŭ stalicy na adnym z pradpryjemstvaŭ Biarozy zajmała pasadu inžyniera pa achovie pracy. Ciapier znachodzicca ŭ dekretnym.
«Na toj čas (2009—2010) zarobak byŭ kala 700—750 tysiač. U dekretnym adpačynku atrymlivaju tyja ž 700 tysiač».
U adpačynku pa dohladzie za dziciem znachodzicca i Maša. Jana paśla škoły, zdajecca, adzinaja, nie źjechaŭ z rodnaha horada. Vučyłasia ž u pieduniviersitecie zavočna i pracavała nastaŭnicaj.
Miedalistka-bankirka
Škołu Chryścina zakončyła ź miedalom. Darečy, miedalistaŭ na ŭvieś naš vypusk było ŭsiaho dva.
Dla mianie vybar śpiecyjalnaści Chryściny ŭ VNU zdavaŭsia dziŭnym. Jana pastupiła na miechmat BDU. A siońnia pracuje ŭ kamiercyjnym banku ŭ Minsku načalnikam adździeła suprava-džeńnia. Zarobak — vyšej za siaredni pa krainie.
Siarod maich adnakłaśnikaŭ čverć skančała staličny Technałahičny ŭniviersitet. Siarod ich była i Ira — dypłom inžyniera-prahramista.
Jana maryła stać doktarkaj abo ekanamistkaj. A pracuje ŭ Ministerstvie pa padatkach i zborach prahramistkaj. Zarablaje 2,7 miljony rubloŭ.
Jašče pra dziasiatak adnakłaśnikaŭ viadoma niašmat. Anton, naprykład, pracuje ŭ Akademii navuk paśla BDTU. Andrej i Vital viarnulisia ŭ rodny horad, dzie znajšli ŭžytak svaim «techničnym» dypłomam. Taćciana — buchhałtarka ŭ adnym sa staličnych hatelaŭ. Jašče adzin Alaksandr staŭ vajskoŭcam...
…Pamiataju, jak u vypusknym kłasie my maryli pra ŭłasnyja kramy, ułasnyja knihi, ułasnyja... A za vosiem hadoŭ nichto nie paśpieŭ zrabić hałavakružnuju karjeru. Ci źmienicca niešta da 10-hodździa zakančeńnia škoły?
Pavodle źviestak Biełstata, naličany siaredni zarobak u Biełarusi ŭ mai skłaŭ 3,56 miljonaŭ rubloŭ ($435). Siaredni zarobak u Minsku vyšejšy — $550.