Adčajny zvarot Pałažanki: Vy ŭsio sprabujecie hulać z režymam u šachmaty, a nie ŭdasca
Niaviesta palitviaźnia Daškieviča napisała rezki list da apazicyi.
«Napisać hetyja radki mianie prymusiła reakcyja, a dakładniej, jaje poŭnaja adsutnaść na infarmacyju pra pahrozu zaviadzieńnia novaj kryminalnaj spravy na Źmitra Daškieviča z boku, zdavałasia b, svaich — našaj apazicyi, — piša maładafrontaŭka Nasta Pałažanka, niaviesta źniavolenaha kiraŭnika arhanizacyi, Źmitra Daškieviča. —
Vy praciahvajecie sustrakacca miž saboj ŭ tych samych kaviarniach za kuflami chałodnaha piva, budavać novyja płany, rabić palityčnyja prahnozy, abmiarkoŭvać, chto što napisaŭ u Fejsbuku ci zapościŭ u Tvitary.Pakul vy abmiarkoŭvajecie, na čym — mietro ci maršrutcy — zručniej jeździć; šukajecie, dzie b dastać tych samych plušavych miadźviedzikaŭ dy spračajeciesia, jakaja stratehija lepš u hetych usio adno biezvynikovych vybarach, Źmicier štodnia vymušany zmahacca za siabie, za svajo vyzvaleńnie i svajo žyćcio», — nahadvaje jana.
Nahadajem, što Daškievič zajaviŭ, što nie budzie padparadkoŭvacca patrabavańniam administracyi kałonii.Imavierna, takim sposabam jon sprabavaŭ adkazać na pahrozy padoŭžyć jahonaje źniavoleńnie ŭ vypadku kali jon nie napiša prašeńnia ab pamiłavańni na imia Łukašenki.
«Heta ŭsio ciahnie zakryty sud i dadatkovy termin pa art.411 KK za parušeńnie praviłaŭ adbyćcia pakarańnia,to bok — jašče «nakinuty» hod, potym — dva, i tak — da biaskoncaści. Jak vy dumajecie, ci prosta dajecca hetaje zmahańnie suprać sistemy pad bieśpierapynny brech bajcoŭskich sabak i duły kanvairskich aŭtamataŭ? — piša Pałažanka. —
U minuły raz, u 2007 hodzie, u Škłoŭskaj kałonii na jaho zaviali kryminalnuju spravu za admovu śviedčyć suprać svajho siabra i paplečnika Ivana Šyły.Mnohija kazali: našto hety radykalizm? Možna ž było schitryć, prykinucca durnieńkim, albo čałaviekam z kiepskaju pamiaćciu, ale dla Źmitra byŭ važny sam fakt: śviedčańnie suprać siabra. Jon i raniej admaŭlaŭsia supracoŭničać sa śledstvam, navat u turmie adkazvaŭ svajo adnaznačnaje «nie».
«Borzy ci što?» — jak lubiać pytacca biełaruskija amapaŭcy, i sami časam i adkazvajuć — «dy baču, što borzy!»
«Źmicier vielmi choča na svabodu, ale jašče bolš jon choča zastacca hodnym čałaviekam, — piša Pałažanka. — Tam, u turmie, nie hulajuć na publiku, nie turbujucca pra imidž. Tam hałoŭnaje — nie dać siabie złamać. Jon abraŭ vielmi niaprosty šlach. I mnie strašna za jaho. Mnie daviałosia prabyć usiaho 2 miesiacy ŭ „amierykancy“ paśla vybaraŭ u 2010 hodzie, tamu ja ŭjaŭlaju, nakolki heta ciažka ŭvieś čas znachodzicca pad pahrozaju pravakacyi z boku „padsadnych“ zekaŭ, biez sustrečaŭ z rodnymi ludźmi.
Za hetyja paŭtara hoda ja atrymała kala 300 listoŭ ad Źmitra, a bačyłasia ź im tolki dvojčy — na sudzie i padčas pachavańnia jaho maci.
Ciapier Źmitru pahražaje dadatkovy hod turmy. Kamuści hety termin moža padacca małym — maŭlaŭ, čas lacić tak chutka!…Uzhadajcie vyćviłyja vočy, źniasilenuju postać mnohich tych, chto vyjšaŭ z turmy praz hod paśla
«Kožny z nas moža paŭpłyvać na los Źmitra Daškieviča i inšych palitviaźniaŭ. Što možna zrabić? Jak minimum:
1. Palityki — uzdymać prablemu palitviaźniaŭ na ŭsich sustrečach, jak unutry Biełarusi tak i
2. Žurnalisty — prosta pisać pra palitviaźniaŭ. Tak, hetaja tema nie štodnia daje cikavyja infarmacyjnyja nahody, ale vašyja artykuły realna palahčajuć isnavańnie palitviaźniaŭ u turmach: nahadvajuć im, što pra ich pamiatajuć;
3. Emihranty — abivać parohi ŭsich zachodnich strukturaŭ, danosić im infarmacyju pra palitviaźniaŭ; pracavać ź biełaruskimi pradstaŭnictvami i asobnymi ludźmi, jakija ŭpłyvajuć na palityčnuju ci ekanamičnuju situacyju ŭ krainie.
4. Usie nieabyjakavyja ludzi — pisać listy padtrymki palitviaźniam i listy z patrabavańniami ich vyzvaleńnia ŭ KDB, Śledčy kamitet, Hienieralnuju Prakuraturu, Administracyju Prezidenta i h.d. Nie bajacca inicyjavać lubyja akcyi padtrymki i hramadskaj salidarnaści. Arhanizoŭvajcie malitvy za palitviaźniaŭ, prasicie pierad Boham za ich. Mahčyma, mienavita vašyja vysiłki pryviaduć da vyzvaleńnia palitviaźniaŭ», — nahadvaje Pałažanka.
Źmicier nie lubić hulać pa čužych praviłach. Ja časta ŭzhadvaju jahonyja słovy: «Vy ŭsio sprabujecie hulać z režymam u šachmaty, a tak nie atrymajecca.Pakul vy budziecie dumać, jakoj tam litaraj chodzić koń — Vas užo šarachnuć šachmatnaj doškaj pa hałavie», — tak skančaje svoj emacyjny zvarot jana.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary