Staršynia Centrvybarkama Biełarusi Lidzija Jarmošyna prapanuje ŭdaskanalić nazirańnie za vybarami, jakoje ažyćciaŭlaje ABSIE. Adpaviednuju zajavu jana zrabiła na dadatkovaj naradzie pa čałaviečym vymiareńni ABSIE, jakaja prachodziła 12–13 lipienia ŭ Vienie.
«Paŭtara dnia raboty na naradzie byli pryśviečanyja abmierkavańniu raboty ABSIE padčas ažyćciaŭleńnia imi nazirańnia za vybarami, — raskazała Jarmošyna BiełaPAN. — Ja, jak i maje kalehi, vystupiła z karotkim paviedamleńniem, u jakim prapanavała ŭdaskanalić instrukcyju pa nazirańni za vybarami, što isnuje ŭ ABSIE, pałažeńniem, jakoje praduhledžvaje paradak abskardžańnia vysnoŭ i zaklučeńniaŭ misii hetaj arhanizacyi».
Pavodle słoŭ kiraŭnika CVK, «samaje prykmietnaje było toje, što na naradu byli zaprošanyja tolki staršyni vybarčych kamisij krain SND.Nichto z Zachadu ad vybarčych orhanaŭ na hetaje pasiadžeńnie nie zaprašaŭsia». Akramia taho, na naradu byli zaprošanyja pradstaŭniki niaŭradavych abjadnańniaŭ. Pry hetym, adznačyła Jarmošyna, «tut taksama było vielmi vybaračnaje zaprašeńnie: byli tolki pradstaŭniki Kazachstana, Kirhizii, Azierbajdžana i Biełarusi».
Staršynia Centrvybarkama ličyć, što «heta havoryć pra niejkuju zadadzienaść z samaha pačatku pa kolkaści ŭdzielnikaŭ». «Padobnyja mierapryjemstvy prachodziać raz na dva hady apošnim časam. Ja była ŭpieršyniu na im. Ale, nakolki mnie viadoma, raniej koła ŭdzielnikaŭ usio ž było šyrejšym. Prynamsi, kali narady arhanizoŭvalisia ŭ Varšavie, to tudy zaprašalisia pradstaŭniki vybarčych orhanaŭ bolšaści dziaržaŭ ABSIE. Ja dumaju, heta było takoje vychavaŭčaje ŭździejańnie mienavita na krainy SND», — skazała Jarmošyna.
Jana paviedamiła, što tema biełaruskich vybaraŭ na naradzie nie hučała.«Hučała tolki adno: čamu nie dapuścili pradstaŭnika NUA Karniajenku. Praŭda, na druhi dzień prysutničaŭ inšy pradstaŭnik biełaruskaj apazicyi — niejkaja spadarynia Słuckaja, jakaja pracuje ŭ Varšavie», — skazała jana.
Kiraŭnik Centralnaj kamisii adznačyła, što vizu joj vydała pasolstva Aŭstryi ŭ Maskvie. Pavodle jaje słoŭ, zaprašeńnie było nakiravanaje ŭ MZS, i jana jaho nie bačyła. «Nam paviedamiła ministerstva, što zaprašajucca pradstaŭniki CVK uziać udzieł u naradzie. My paznačyli, što ŭdzielničać moža abo staršynia, abo sakratar. Treba addać naležnaje, što vielmi chutka my atrymali reakcyju ź Vieny, praŭda, jana była nie na ŭzroŭni kiraŭnictva, a kiraŭnikoŭ prahram. Heta było paćviardžeńnie, dzie było ŭkazana, što ja zarehistravanaja ŭ jakaści pradstaŭnika Biełarusi, a sam hety list źjaŭlajecca padstavaj dla atrymańnia vizy», — paviedamiła Jarmošyna.
