Pra toje, navošta hetaja dźvižucha palakam, biełarusam i ŭsiamu astatniamu śvietu, raspaviadaje arhanizatar festu Januš Haŭryluk.
Januš Haŭryluk, 37 hadoŭ. Adzin z arhanizataraŭ Bulbamovie. Skončyŭ Cyrkavuju škołu ŭ Julinku (śpiecyjalnaść — ekvilibryst), fakultet biełaruskaj fiłałohii ŭ Varšaŭskim univiersitecie, «łabaratoryju repartažu» na adździaleńni žurnalistyki Varšaŭskaha ŭniviersitetu. Pracuje redaktaram na «Biełsacie».
Što takoje Bulbamovie?
Bulbamovie — heta fest «niepartyzanskaha» biełaruskaha kino, jaki projdzie ŭ Varšavie 26–28 kastryčnika. Kali kazać bolš šyroka — heta prajekt, paklikany paznajomić palakaŭ z sučasnymi biełaruskimi filmami i biełaruskaj rečaisnaściu za miežami tryjady «dyktatura, apazicyja, Łukašenka».
Jak fest prachodziŭ letaś? I što budzie hetym razam?
U
Hetaju vosieńniu Bulbamovie budzie ŭžo festam aktualnaha biełkino. U nas buduć uznaharody (załataja, srebranaja i bronzavaja bulbiny) i adpaviednyja hrašovyja premii (2500, 1500 i 1000 złotych).Sioleta Bulbamovie — heta adkryty konkurs, na jakim my čakajem pabačyć maładoje i dziorzkaje kino ź Biełarusi.
Jakija filmy trapiać na fest?
Dla nas sioletni Bulbamovie — heta ekśpierymient. My sami jašče całkam nie razumiejem, što na im budzie pakazvacca. Dla nas nie maje značeńnia, mastackaja stužka ci dakumientalnaja, idzie jana 2 hadziny ci 10 chvilin.
Niesumnienna, Bulbamovie raźličany nie na Halinu Adamovič i Viktara Aśluka, a na tych, chto ciapier tolki pačynaje ruchacca.Choć nijakich abmiežavańniaŭ va ŭzroście ŭdzielnikaŭ niama. Adzinaje, što filmy pavinny być zroblenyja ŭ apošnija piać hadoŭ. Asabista ja chacieŭ by pabačyć niešta kštałtu «Słučaja s
Kaho cikavić biełkino ŭ Polščy?
Pra biełaruskaje kino ŭ Polščy nichto ničoha nie viedaje. Padčas pieršaha Bulbamovie ja arhanizoŭvaŭ dyskusijnyja paneli. Polskija kinakrytyki i žurnalisty bajalisia na ich prychodzić, bo dla ich sučasnaje biełkino — sapraŭdnaja terra incognita.
Usio, što nie datyčyć Łukašenki, dyktatury i apazicyi, u miedyjnym polskim kantekście nie isnuje. Z hetaj pryčyny ja bajaŭsia, što Bulbamovie zacikavić tolki varšaŭskich biełarusaŭ.Ale za 2,5 dni pieršaha festu na jaho pryjšli 1,5 tysiačy čałaviek, bolšaść ź jakich — palaki. Pra nas napisali amal usie bujnyja ŚMI, jakija byli ŭražanyja tym, što jość i takoje biełaruskaje kino.
Ja baču, što cikavaść palakaŭ da biełaruskich padziej padaje. Bo ŭ ŚMI ŭžo šmat hadoŭ infarmacyja abmiažoŭvajecca kryzisami, apazicyjaj i dziejnaściu Łukašenki. Tamu ciapier ludzi chočuć pabačyć, što ž u Biełarusi jość akramia hetaha.
Ci isnuje biełaruskaje kino ŭ ahulnajeŭrapiejskim kantekście?
Ščyra kažučy, nie isnuje. Ale ciapier jość nadzieja, niejkija šturški, jakija śviedčać pra toje, što situacyja pačynaje źmianiacca. Sioleta źniatyja «U tumanie» Łaźnicy i Viva Bel@rus. Heta niebiełaruskaje kino pra Biełaruś, jakoje, na maju dumku, pierš za ŭsio pavinna padšturchnuć maładych biełarusaŭ pačać zdymać filmy na radzimie.
Bo ja vieru, što dla moładzi najlepšaja taktyka — padarožničać pa śviecie, znajomicca z najlepšym i najlepšymi, a potym vykarystoŭvać suśvietny dośvied u biełaruskich realijach.Padstavaŭ dla sumu niama. Voś rumynskaha kino kaliści taksama nie isnavała, a potym źjaviłasia rumynskaja «novaja chvala» — i ŭsie afihieli.
Jak patrapić na Bulbamovie?
Zapoŭnić ankietu na sajcie i dasłać DVD sa svaim filmam na adras STOWARZYSZENIE MY, ul. Szymanowskiego 7 lok. 98, 03–477 Warszawa, Poland. Termin — da 15 vieraśnia 2012 hoda.