Inicyjatyŭnaja hrupa pa vyłučeńni Valanciny Alinievič kandydatam u deputaty zarehistravana ŭ Adzincoŭskaj akruzie № 101 Minska.
Valancina Alinievič — maci asudžanaha anarchista Ihara Alinieviča, jaki adbyvaje pakarańnie ŭ navapołackaj kałonii № 10.
Žančyna maje namier uziać udzieł u kampanii Abjadnanaj hramadzianskaj partyi "Za sumlennyja vybary biez "Łukašenki!", u miežach jakoj kandydaty ŭ deputaty buduć ahitavać žycharoŭ Biełarusi bajkatavać parłamienckija vybary,paviedamlajuć "Pravaabaroncy za svabodnyja vybary".
27 maja 2011 hoda
sud Zavodskoha rajona pryhavaryŭ Alinieviča da vaśmi hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymupavodle č. 2 art. 339 (złosnaje chulihanstva) i č. 2, 3 art. 218 (naŭmysnaje źniščeńnie abo paškodžańnie majomaści) Kryminalnaha kodeksa. Praces pa spravie anarchistaŭ pačaŭsia 18 maja. Jany abvinavačvalisia va ŭčynieńni šerahu napadaŭ na budynki i padpałaŭ, u pryvatnaści ŭ praviadzieńni niesankcyjanavanaj antyvajennaj akcyi kala budynka Ministerstva abarony ŭ 2009 hodzie, zakidvańni butelkami z zapalnaj sumieśsiu terytoryi pasolstva Rasii ŭ Minsku i budynka Centra izalacyi pravaparušalnikaŭ na vulicy Akreścina ŭ 2010 hodzie. Im taksama inkryminavaŭsia šerah napadaŭ na inšyja budynki: zakidvańnie fajerami staličnaha kazino "Šanhry Ła" i budynka Fiederacyi prafsajuzaŭ Biełarusi, sproby padpału adździaleńniaŭ "Biełarusbanka" i "Banka Maskva-Minsk", adździaleńnia milicyi ŭ Salihorsku.
0
0
0
0
0
0
