Jon prosić nie pieratvarać dyskusiju pra parłamienckija vybary ŭ sud Linča nad tymi, chto ŭ ich udzielničaje.
«Ja ŭpeŭnieny, što nijakich apazicyjanieraŭ ciapier u parłamient nie prapuściać. Ale vybary patrebnyja dla zachavańnia žyćciadziejnaści apazicyjnych struktur, bo nie ŭsim chapaje duchu iści ŭ padpolle i treba karystacca luboj mahčymaściu dla adkrytaha i lehalnaha supraćstajańnia fašystam, a vybary takuju mahčymaść dajuć. Ludzi pryhniečanyja stracham paśla brutalnaha razhromu apazicyi ŭ kancy 2010 — pačatku 2011 h. U apazicyjanieraŭ navat zabrakła sił i śmiełaści padtrymać „maŭklivuju revalucyju“ minułaha leta. Jaki maštabny i dziejsny bajkot jany zmohuć arhanizavać? Heta budzie „bajkot na kanapie“. Udzieł u lehalnych vybarach — heta psichaterapija ad bajaźlivaści i strachu dla tych, chto choča supraćstajać ŭładzie», — napisaŭ Šaramiet u svaim artykule «Zmova emihrantaŭ».
«Kateharyčna nielha pieratvarać narmalnuju dyskusiju ŭ kamunalnuju svarku. Čamu? Bo nichto nikomu nie vieryć i ŭsie adno adnym pahardžajuć. I karani hetaha — u 2010 hodzie, kali natoŭp ambicyjnych palitykaŭ, pastaviŭšy asabistyja intaresy vyšej za hramadskija, rynuŭsia pa prezidenctva», — ličyć žurnalist.
«Kola, tak atrymałasia, što my znachodzimsia za tysiaču kiłamietraŭ ad našaj radzimy. My hetaha nie chacieli i maryli pra inšaje. My imknulisia źmianić situacyju, ale ŭ nas nie atrymałasia. Ciažka dać rady adčuvańniu, što ty