Hałoŭny redaktar haziety «Priessboł» Uładzimir Bieražkoŭ ličyć palityčna matyvavanaj admovu ŭ akredytacyi kiraŭnika Biełarusi Alaksandra Łukašenki na Alimpijskich hulniach u Łondanie, piša Radyjo Svaboda.
«Sport nie pavinien być zamiašany z palitykaj. Łukašenka — staršynia Nacyjanalnaha alimpijskaha kamiteta krainy, i staršynia maje prava prysutničać na Alimpijskich hulniach.
A zabarony z palityčnych pryčyn ja, na žal, nie razumieju.Čamu ŭ Kitai jamu možna prysutničać, a ŭ Anhlii nielha? Najpierš heta ŭpłyvaje na imidž Mižnarodnaha alimpijskaha kamiteta, jaki faktyčna raśpisvajecca ŭ tym, što Alimpijskija hulni pieratvarylisia ŭ palityčny instrumient. Albo treba zajavić, što heta palityčny instrumient, i bolš nie hulać u hetyja hulni. Albo treba dziejničać zhodna z praviłami MAK i Alimpijskaj chartyi».
Nahadajem, što siońnia ŭłady Vialikabrytanii paćvierdzili, što Alaksandr Łukašenka nie akredytavany na Alimpijskija hulni ŭ Łondanie.
«Prezident Łukašenka znachodzicca ŭ śpisie asobaŭ, jakim zabaronieny ŭjezd u ES z pryčyny jahonaha ŭdziełu ŭ parušeńni mižnarodnych standartaŭ padčas prezidenckich vybaraŭ u Biełarusi 19 śniežnia 2010 hoda, a taksama padaŭleńniem hramadzianskaj supolnaści i demakratyčnaj apazicyi.Heta zabarona zastajecca ŭ sile i budzie dziejničać padčas Alimpijskich hulniaŭ. Rašeńnie pa hetym pytańni nie budzie źmieniena»,
— paviedamili ŭ pasolstvie Vialikabrytanii ŭ Biełarusi.
0
0
0
0
0
0