Cistema nacyjanalnaj biaśpieki Biełarusi pavinna harantavać adekvatnaje i apieratyŭnaje reahavańnie na lubyja vykliki i pahrozy. Ab hetym zajaviŭ 26 lipienia Alaksandr Łukašenka na naradzie ab stanie raboty pa pryviadzieńni Uzbrojenych Sił i Dziaržpahrankamiteta Biełarusi ŭ adpaviednaść z sučasnymi patrabavańniami.
Łukašenka nahadaŭ, što ŭ pačatku hoda była damoŭlenaść na praciahu prykładna paŭhoda razhledzieć pytańni refarmavańnia i pryviadzieńnia sił harantavańnia nacyjanalnaj biaśpieki ŭ adpaviednaść z sučasnymi patrabavańniami.Jon dadaŭ, što ŭ chutkim časie płanujecca razhledzieć taksama pytańni ŭdaskanaleńnia struktury orhanaŭ prakuratury i ich uzajemadziejańnia sa Śledčym kamitetam, rychtujucca kankretnyja prapanovy pa refarmavańniu sistemy orhanaŭ unutranych spraŭ, vypracoŭvajucca šlachi dalejšaha ŭdaskanaleńnia dziejnaści inšych siłavych orhanaŭ i struktur.
U centry ŭvahi ciapierašniaj narady byli pytańni harantavańnia vajennaj i pahraničnaj biaśpieki.
Toje, što my ŭdzialajem vialikuju ŭvahu hetaj rabocie, abumoŭlena pierš za ŭsio mižnarodnaj abstanoŭkaj. My žyviom u viadomy čas. Źjaŭleńnie novych hieapalityčnych vyklikaŭ, ekanamičnych i palityčnych pahroz biaśpiecy stali charakternymi rysami sučasnaha śvietu. Va ŭmovach hłabalizacyi lubyja niehatyŭnyja tendencyi raspaŭsiudžvajucca vielmi chutka, niahledziačy na hieahrafičnyja miežy», — skazaŭ jon.
Na dumku kiraŭnika dziaržavy, prykładaŭ taho dastatkova — heta situacyja na Blizkim Uschodzie, u Siryi, nacisk na Iran i inšyja.
«Na źmienu tradycyjnym sposabam viadzieńnia vajny prychodziać śpiecyjalnyja, u tym liku
Alaksandr Łukašenka padkreśliŭ, što takija realii vymušajuć kiraŭnictva Biełarusi bolš pilna sačyć za stanam sistemy harantavańnia nacyjanalnaj biaśpieki i apieratyŭna prymać rašeńni pa klučavych pytańniach.
«Heta asabliva važna ŭ pieryjad praviadzieńnia palityčnych kampanij, kali najbolš aktyvizujucca źniešnija i ŭnutranyja niadobrazyčliŭcy, miakka kažučy», — ličyć Prezident.
«Vosieńniu nam treba budzie pravieści čarhovyja parłamienckija vybary.Heta jakraz toj momant, kali adbyvajecca aktyvizacyja jak za miežami krainy, tak i ŭnutry tych, chto strašna nienavidzić našu Biełaruś i kamu nie padabajecca isnujučy stan spraŭ. Zadača ŭsich tut prysutnych zabiaśpiečyć mahčymaść svabodnaha volevyjaŭleńnia hramadzian u spakojnaj abstanoŭcy i ŭ strohaj adpaviednaści ź biełaruskimi zakonami», — skazaŭ jon.
Łukašenka zapatrabavaŭ ad ministra abarony dałažyć ab biahučym stanie spraŭ biełaruskaj armii.«Nieabchodna dać pryncypovuju acenku, nakolki jaje abličča adpaviadaje patrabavańniam sučasnaści, jakija isnujuć prablemnyja pytańni ŭ jaje madernizacyi i raźvićci, jakija šlachi ich vyrašeńnia najbolš metazhodny ŭ kantekście našych ekanamičnych mahčymaściej», — skazaŭ Łukašenka. Jon taksama pacikaviŭsia, jak vykonvajucca jaho daručeńni, dadzienyja pry zaćviardžeńni rašeńnia na zabieśpiačeńnie dziaržaŭnaj pahraničnaj palityki i harantavańnie pamiežnaj biaśpieki krainy na hety hod, ci ŭsio robicca ŭ termin, z naležnaj aktyŭnaściu i inicyjatyvaj.
«Kankretna byŭ dadzieny šerah daručeńniaŭ, kab my pilna pahladzieli na ŭžo refarmavanuju niekalki hadoŭ tamu biełaruskuju armiju, tamu što situacyja, my heta bačym i pa arabskaj viaśnie, i pa Siryi, siońnia imhnienna źmianiajecca, i armija pavinna być prystasavana da hetaj situacyi, kali nie daj boh što zdarycca», — adznačyŭ Łukašenka.
Jak padkreśliŭ Łukašenka, siońniašniaja situacyja nie nadzvyčajnaja, adnak jość niekatoryja naściarožvajučyja momanty: «Adznačany rost złačynnaści, u tym liku karupcyjnaj, u tym ža pahraničnym viedamstvie, što niedapuščalna».
«Jak rastłumačyć pravakacyju ź lohkamatornym samalotam, jaki nie tolki pierasiok hranicu, ale i biespakarana pralacieŭ na terytoryju Biełarusi? Heta ž u pieršuju čarhu — biaśpieka našych hramadzian.Hety samalot byŭ svoječasova vyjaŭleny. Ale čamu načalniki nie spynili jaho palot? Kaho škadavali? Heta hałavaciapstva kankretnych vykanaŭcaŭ abo pamyłki ŭ samoj sistemie achovy dziaržaŭnaj hranicy ŭ pavietranaj prastory? Ja chacieŭ by pačuć adkazy na hetyja pytańni», — skazaŭ jon.
«Pry hetym chaču sumlenna i adkryta skazać tym, chto vielmi cikavicca hetym pytańniem i prysutnym tut: vinavatyja ŭ hetym pavinny adkazvać, — zajaviŭ Alaksandr Łukašenka. — Z pryniaćciem rašeńniaŭ, jak bačycie, ja nie śpiašaŭsia pa vašaj prośbie. Vy chacieli hety vypadak daskanała rasśledavać. Na siońniašni dzień, jak ja baču, jon rasśledavany, i vinavatyja za heta pavinny panieści adkaznaść. Mnoju budzie pryniata rašeńnie paśla hetaj narady, u tym liku i kadravyja rašeńni».
«Vynikam kompleksu prymajemych mier pavinna stać paśladoŭnaje ŭmacavańnie sistemy nacyjanalnaj biaśpieki i zabieśpiačeńnie adekvatnaha apieratyŭnaha reahavańnia na lubyja vykliki i pahrozy, adkul by jany ni išli», — dadaŭ Alaksandr Łukašenka.
Kiraŭniki Ministerstva abarony i Dziaržaŭnaha pahraničnaha kamiteta prainfarmavali Łukašenku ab pryviadzieńni Uzbrojenych Sił i padraździaleńniaŭ pahranviedamstva ŭ stan, adpaviedny sučasnaj abstanoŭcy.
Pa vynikach narady vyznačany kankretnyja miery pa efiektyŭnym harantavańni nacyjanalnaj biaśpieki Biełarusi.
