«Łukašenku nie puścili na terytoryju Vialikabrytanii, bo jon trapiŭ u čorny śpis Jeŭrakamisii ŭ Bruseli, i my pavažajem heta rašeńnie», — zajaviŭ kiraŭnik Mižnarodnaha alimpijskaha kamiteta (MAK) Žak Rohie napres-kanfierencyi 27 lipienia ŭ Łondanie.
Nahadajem, 25 lipienia ŭ pasolstvie Vialikabrytanii ŭ Biełarusi paviedamili, što «prezident Łukašenka znachodzicca ŭ śpisie asobaŭ, jakim zabaronieny ŭjezd u Jeŭrasajuz z pryčyny jahonaha ŭdziełu ŭ parušeńni mižnarodnych standartaŭ padčas prezidenckich vybaraŭ u Biełarusi 19 śniežnia 2010 hoda, a taksama padaŭleńniem hramadzianskaj supolnaści i demakratyčnaj apazicyi». «Heta zabarona zastajecca ŭ sile i budzie dziejničać padčas Alimpijskich hulniaŭ. Rašeńnie pa hetym pytańni nie budzie źmieniena», — rastłumačyli tady ŭ dyppradstaŭnictvie.
Łukašenka naviedvaŭ letnija Alimpijskija hulni 2008 hoda ŭ Piekinie i zimovyja Alimpijskija hulni 1998 hoda ŭ Nahana.
