3 krasavika kalehija Mienskaha haradzkoha sudu admianiła prysud sudu Leninskaha rajonu stalicy Kanstancinu Łukašovu, bratu viadomaha hramadzkaha dziejača Viačasłava Siŭčyka.
Jak paviedamiŭ Racyi V. Siŭčyk, sprava adpraŭlenaja na novy razhlad u Leninski sud.
— Siońniašnieje rašeńnie, — kaža Siŭčyk, — śviedčyć, što u spravie Kanstancina ničoha kryminalnaha i nie było, tam uvohule ničoha nie było.
Nahadajem, što 20 lutaha K. Łukašova asudzili na dva hady ŭmoŭnaha źniavoleńnia z adterminoŭkaj vykanańnia pryhavoru na dva hady. Taksama sud pastanaviŭ spahnać ź jaho 1 młn. rubloŭ na karyść paciarpiełaha milicyjanta Anatola Suščeni za maralnyja dy fizyčnyja straty. Sud pryznaŭ Łukašova vinavatym u supracivie milicyi.
Łukašova zatrymali 19 śniežnia. Jamu zakidvali najezd na aŭtamabili na supracoŭnika milicyi 29 sakavika minułaha hodu, kali jon zabiraŭ Siŭčyka z treciaj kliničnaj balnicy. U toj dzień nieviadomyja ludzi z paśviedčańniami supracoŭnikaŭ MUS sprabavali zatrymać hramadzkaha aktyvista paśla jaho vypiski z balnicy nibyta za drobnaje chulihanstva, adnak z dapamohaj brata Siŭčyku ŭdałosia źjechać.
