Heta praduhledžana pastanovaj Ministerstva ekanomiki Biełarusi ad 31 lipienia 2012 hoda №68.
Hraničnyja maksimalnyja adpusknyja ceny na nizkatłustyja vidy małočnych praduktaŭ u Biełarusi pavyšajucca ŭ žniŭni na 35%, a ŭ vieraśni na 4%. Heta praduhledžana pastanovaj Ministerstva ekanomiki Biełarusi ad 31 lipienia 2012 hoda №68, paviedamili ŭ adździele suviaziej z hramadskaściu Minekanomiki.
Kamientujučy hetu pastanovu, u ministerstvie adznačyli, što vytvorčaść małaka nievysokaj tłustaści i małočnych praduktaŭ biez dabavak apošnim časam praktyčna spyniłasia ŭ suviazi ź ich stratnaściu. I hetyja pradukty, jakija pryniata nazyvać "sacyjalnym małakom", praktyčna adsutničajuć na pryłaŭkach kramaŭ. Dla pavyšeńnia zacikaŭlenaści vytvorcaŭ u pavieličeńni vypusku takich praduktaŭ pastanovaj №68 pavyšajucca hraničnyja maksimalnyja adpusknyja ceny na ich. Heta datyčycca małaka i kiefiru tłustaściu da 3,5%, śmiatany tłustaściu da 25%, tvarahu tłustaściu da 9% biez smakavych dabavak i napaŭnialnikaŭ.
Tak, naprykład, hraničnaja maksimalnaja adpusknaja cana na litr małaka tłustaściu 1,5% u polietylenavym pakiecie ŭ žniŭni budzie pavyšana z 1415 da 1 910 rubloŭ. Heta značyć, što vytvorcy zmohuć padniać adpusknuju canu na svoj tavar da hetaj miažy pry prodažy handlovym arhanizacyjam. U mahazinach paŭtarapracentnaje małako biez dabavak budzie adpaviedna daražejšaje, da jaho koštu budzie dabaŭlena handlovaja nadbaŭka (da 11%), PDK (10 %), a taksama košt upakoŭki, kali heta nie polietylenavy pakiet.
Akramia taho, hetaj pastanovaj Minekanomiki praduhledžana mahčymaść pavyšeńnia na 4% u miesiac arhanizacyjami-vytvorcami ŭ žniŭni i vieraśni 2012 hoda adpusknych cen na vysakatłustyja vidy małaka, kiefiru, śmiatany, tvarahu, a taksama na nazvanyja małočnyja pradukty sa smakavymi dabaŭkami i napaŭnialnikami.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary