Lider demakratyčnych sił prapanavaŭ staršyni Biełteleradyjokampanii Alaksandru Zimoŭskamu 25 krasavika ŭ žyvym etery abmierkavać prablemy Čarnobylu.
Lider demakratyčnych sił Biełarusi Alaksandr Milinkievič prapanavaŭ staršyni Biełteleradyjokampanii Alaksandru Zimoŭskamu 25 krasavika ŭ žyvym efiry Pieršaha nacyjanalnaha kanału abmierkavać nieabchodnyja miery pa ŭdaskanaleńni dziejnaści dziaržaŭnych orhanaŭ, adkaznych za rabotu pa pieraadoleńni nastupstvaŭ avaryi na Čarnobylskaj AES. Siońnia z adpaviednaj zajavaj ab pradastaŭleńni žyvoha efiru na pieršym kanale Alaksandr Milinkievič aficyjna źviarnuŭsia da staršyni Biełteleradyjokampanii.
‑ U suviazi z hadavinaj trahiedyi na Čarnobylskaj AES prašu pradstavić mnie mahčymaść vystupić, razam z zaprošanymi mnoju pradstaŭnikami ekśpiertaŭ i likvidataraŭ nastupstvaŭ trahiedyi na ČAES, u žyvym efiry «Pieršaha kanała» biełaruskaha telebačańnia 25 krasavika 2007 a 18.00, — adznačyŭ Alaksandr Milinkievič u zajavie.
U zajavie Alaksandr Milinkievič pakazaŭ, što nieabchodnaść abmierkavańnia ŭ žyvym efiry aktualnych prablemaŭ u pieraadoleńni nastupstvaŭ Čarnobylskaj avaryi vynikaje z taho, što isnujuć surjoznyja padstavy śćviardžać ab:
‑ zamoŭčvańni ŭładami prablemaŭ, ź jakimi sutykajucca likvidatary nastupstvaŭ trahiedyi na ČAES, ludzi, što žyvuć na zabrudžanych terytoryjach, usie hramadzianie Biełarusi, jakim u vyniku palityki ŭładaŭ davodzicca spažyvać pradukty charčavańnia z zabrudžanych ziemlaŭ;
‑ tupikovaści sacyjalna‑ekanamičnaj palityki biełaruskich uładaŭ, što nie dazvalaje efiektyŭna vyrašać paŭstałyja prablemy, a taksama atrymlivać u nieabchodnym abjomie mižnarodnuju dapamohu ŭ spravie minimizacyi nastupstvaŭ Čarnobylskaj avaryi;
U adpaviednaści z artykułam 10 Zakona Respubliki Biełaruś «Ab zvarotach hramadzian» adkaz na zajavu Alaksandra Milinkieviča pavinien być dadzieny nie paźniej čym za piatnaccać dzion, pakolki vyrašeńnie pytańnia, vykładzienaha ŭ zajavie, nie patrabuje dadatkovaha vyvučeńnia i pravierki.
-
Śviatłana Cichanoŭskaja paviedamiła litoŭskim parłamientaryjam pra rašeńnie pierajechać u Polšču
-
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy
-
«Ja — jak supiervumien». Jak byłaja biblijatekarka pracuje prybiralščycaj u Biełastoku — jak spraŭlajecca i kolki zarablaje
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary