U Biełarusi spyniać vytvorčaść anałahavych televizaraŭ da kanca hoda
Chołdynh «Haryzont» da kanca 2012 hoda spynić vytvorčaść televizaraŭ, jakija nie padtrymlivajuć sandarty ličbavaha televizijnaha viaščańnia. Ab hetym paviedamiŭ siońnia žurnalistam hałoŭny inžynier Instytuta ličbavaha telebačańnia Mikałaj Dambroŭski.
U hetym hodzie chołdynh vypuściŭ 24 tys. televizaraŭ z ubudavanymi ličbavymi ciunierami. Jašče 25 tys. takich ustrojstvaŭ płanujuć vypuścić da kanca hoda.
U 2013 hodzie «Haryzont» maje namier vypuścić 75 tys. televizaraŭ dyjahanallu ad 22 da 55 calaŭ, padtrymlivajučych standarty ličbavaha efirnaha telebačańnia. Pry hetym na zavodzie płanujuć źbirać televizary vialikich pamieraŭ.
Akramia taho, chołdynh vyrabiŭ 2,5 tys. ličbavych ciunieraŭ, jakija źjaviacca ŭ roźničnych sietkach u pačatku vieraśnia.
Kansultant upraŭleńnia arhanizacyi handlu i pasłuh Ministerstva handlu Łarysa Kamarova ŭ svaju čarhu adznačyła, što ŭ roźničnych sietkach siońnia dastupny ličbavyja prystaŭki ajčynnaj vytvorčaści, a taksama impartnyja anałahi.«Nasielnictva nabyvaje ich u spakojnym režymie, ažyjatažnaha popytu niama», — adznačyła jana.
Raniej Ministerstva pramysłovaści padrychtavała hrafik, što daść mahčymaść całkam pierajści na vytvorčaść televizaraŭ, jakija padtrymlivajuć ličbavy sihnał. Da kanca hoda ŭsie biełaruskija vytvorcy, uklučajučy «Haryzont» i «Viciaź», pavinny spynić vytvorčaść anałahavych televizaraŭ.-
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy4
Kamientary