Na biełaruska-polskaj miažy kanfiskavanaja bujnaja partyja tavaraŭ, jakija pieravozilisia niezakonna.
Jak paviedamili ŭ pres-słužbie Dziaržaŭnaha mytnaha kamiteta, supracoŭniki PMA «Kazłovičy» pry praviadzieńni mytnaha kantrolu hruzavoha aŭtamabila «MAN», jaki ruchaŭsia z Polščy ŭ Biełaruś, znajšli bujnuju partyju (bolš za 9 tys. adzinak) myjnych, hihijeničnych srodkaŭ i praduktaŭ charčavańnia, nie zajaŭlenuju ŭ supravadžalnych dakumientach.
Pry skaniravańni hruzavoha adsieka transpartnaha srodku z dapamohaj stacyjanarnaha inśpiekcyjna-nadhladnaha kompleksu vyjaŭlena, što ŭ aŭtamabili pieravozicca značna bolš tavaraŭ, čym było zajaŭlena.
U adpaviednaści z Kodeksam ab administracyjnych pravaparušeńniach Respubliki Biełaruś Bresckaj mytniaj pačaty administracyjny praces. Tavar, jaki pieravoziŭsia z parušeńniem mytnaha zakanadaŭstva, kanfiskavany. Pavodle papiaredniaj acenki jaho košt składaje kala 500 młn. rubloŭ.
Alaksiej Areška, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH