Rasija pakul nie pryniała rašeńnia ab pradastaŭleńni Biełarusi stabilizacyjnaha kredytu. Pra heta, pavodle infarmacyi ahienctva «RosBiźniesKonsałtinh», paviedamiŭ 6 krasavika žurnalistam kiraŭnik Minekanamraźvićcia RF Hierman Href.
«Pakul viaducca pieramovy», — skazaŭ ministr. Pavodle jaho słoŭ, suma kredytu, jakuju zapytvaje biełaruski bok, składaje 1,5 młrd. dołaraŭ. H.Href nie vyklučyŭ, što jana moža być źnižana da 1 młrd. dołaraŭ.
U kancy lutaha Biełaruś źviarnułasia da rasijskich uładaŭ z prośbaj vydzielić 1,5 młrd. dołaraŭ u jakaści stabilizacyjnaha kredytu. Nieabchodnaść takoj pazyki ŭ Ministerstvie finansaŭ Biełarusi patłumačyli pavyšeńniem cen na enierhanośbity i, jak vynik, rostam dziaržaŭnych raschodaŭ. Premjer‑ministr Rasii Michaił Fradkoŭ paźniej paviedamiŭ, što rašeńnie ab pradastaŭleńni Biełarusi stabilizacyjnaha kredytu budzie ŭ chutkim časie pryniata.
