Armienija pieraryvaje dypłamatyčnyja adnosiny i aficyjnyja kantakty ź Vienhryjaj. Heta rašeńnie było pryniata na nadzvyčajnym pasiadžeńni Rady Biaśpieki Armienii ŭ suviazi z ekstradycyjaj azierbajdžanskaha aficera Ramila Safarava, jaki zasiek siakieraj armianskaha vajennaha Hurhiena Marharana ŭ Budapiešcie ŭ 2004 hodzie.
Pa viartańni na radzimu Safaraŭ byŭ pamiłavany prezidentam Azierbajdžana, što vyklikała nadzvyčaj niehatyŭnuju reakcyju Jerevana.
Prezident Armienii Sierž Sarkisian zajaviŭ, što «ŭłady Vienhryi ŭstupili ŭ ździełku z uładami Azierbajdžana», faktyčna apraŭdaŭšy «zabojstva na hlebie etničnaj niepryjaznaści».
Ramil Safaraŭ zabiŭ Hurhiena Marharana ŭ lutym 2004 hoda pry prachodžańni kursaŭ anhlijskaj movy ŭ Budapiešcie. Paśla jon byŭ asudžany na pažyćciovaje źniavoleńnie.