Va Ŭkrainie praciahvajecca palityčny kryzis. Prezydentu Juščanku supraćstajać prarasiejski ŭrad i parlamenckaja bolšaść.
U sieradu, 10 krasavika, u Kijevie źbiarecca manifestacyja prychilnikaŭ Bloku Julii Cimašenka, Našaj Ukrainy i hramadzkaha ruchu byłoha ministra ŭnutranych spravaŭ Juryja Łucenki. Akcyja maje adbycca ŭ 200 metrach ad Majdanu, na Eŭrapiejskaj płoščy. Pieršapačatkova «aranžavyja» byli suprać vychadu na vulicy, ale ciapier prychilniki Viktara Juščanki vyrašyli padtrymać prezydenta.
U hety dzień moža vyrašycca palityčny vybar Ukrainy. Kali Cimašenka j Łucenka źbiaruć vialikuju kolkaść mitynhoŭcaŭ u padtrymku prezydenta, heta vyrašyć los Rady.
Tym časam Viarchoŭnaja Rada praciahvaje svaje pasiedžańni, niahledziačy na toje, što ŭžo tydzień jana nie maje dla hetaha adpaviednych paŭnamoctvaŭ. U svaju čarhu, prezydent Juščanka nia maje namieru skasoŭvać svajho rašeńnia pra rospusk Viarchoŭnaj Rady.
