Raspracoŭščyk hulniaŭ dla mabilnych telefonaŭ Rovio, jaki stvaryŭ Angry Birds, u kancy vieraśnia vypuścić praciah znakamitaj hulni pad nazvaj Bad Piggies, piša Los Angeles Times.
Rovio adznačaje, što ŭ Bad Piggies karystalniki hulajuć z punktu hledžańnia śviniej. Asablivaści hulni pakul nie raskryvajucca, adnak, kampanija padkreślivaje, što «heta zusim novy typ hulni».
«Nam było vielmi viesieła stvarać novuju i unikalnuju hulniu», — skazaŭ vykanaŭčyvice-prezident raspracoŭščyka hulniaŭ Pietry Džarvileta.
Bad Piggies budzie ŭžo treciaj hulnioj, jakuju zapuskaje Rovio ŭ 2012 hodzie. U sakaviku kampanija abnaviła viersiju Angry Birds, u lipieni — pradstaviła Amazing Alex — hulniu pra maleńkaha chłopčyka, jaki vykonvaje prostyja zadańni z dapamohaj roznych pradmietaŭ.
Hulnia Bad Piggies źjavicca na apieracyjnych sistemach IOS, Android i Mac 27 vieraśniaju. Pa dadzienych kampanii, viersii dla Windows Phone, Windows 8 PC i buduć dastupnyja paźniej.
Angry Birds stali adnym ź vielmi paśpiachovych prajektaŭ raspracoŭščyka hulniaŭ — z momantu vypusku ŭ 2009 hodzie jana była zapampavanaja bolš za 10 miljonaŭ razoŭ. Jaje zahruziŭ navat prem'
