Tolki adna noč. 29 kastryčnika 1937 h. / Marakoŭ Leanid. — Minsk: Źmicier Kołas, 2006. — 176 s.
«29 kastryčnika 1937 h., napeŭna, u honar 20‑hodździa kastryčnickaha pieravarotu, u stalicy Biełarusi Miensku adbyłasia akcyja, anałahaŭ jakoj jašče nia viedała historyja čałaviectva», — piša ŭ pradmovie Leanid Marakoŭ.
Ciaham adnoj nočy ŭ sutareńniach unutranaj turmy NKVD («amerykancy») byli rasstralanyja niekalki dziasiatkaŭ čałaviek: piśmieńniki, dziejačy kultury, dziaržčynoŭniki.
Siarod rasstralanych byli Anatol Volny, Płaton Hałavač, Aleś Dudar, Michaś Zarecki, Jazep Karanieŭski, Todar Klaštorny, Jurka Lavonny, Valer Marakoŭ, Janka Niomanski, Ziama Pivavaraŭ, Juli Taŭbin, Izi Charyk, Michaś Čarot dy inš. Tyja, kaho pryniata nazyvać ćvietam biełaruskaj intelihiencyi.
Leanid Marakoŭ vyjaviŭ nia tolki ŭsich 68 rasstralanych, ale j pryvodzić ich padrabiaznyja bijahrafičnyja źviestki. U knizie taksama apisvajucca losy ich svajakoŭ, amal usie jany byli represavanyja.
Asobny raździeł knihi — bijahrafii tych, chto ŭčyniŭ hetaje złačynstva, — «Jany vyniščali našych prodkaŭ».
Heta narkamy ŭnutranych spraŭ BSSR, śledčyja, jakija pravodzili dopyty i katavali viaźniaŭ. Leanid Marakoŭ navat paznačyŭ, chto kaho dapytvaŭ. Kraina musić viedać svaich «hierojaŭ».
