Lidzija Jarmošyna siońnia abviaščała vybarčuju statystyku. I siarod inšaha zajaviła, što ŭ Hrodzienskaj vobłaści nie projduć debaty, bo nie znajšłosia chacia b dvuch kandydataŭ, chto pažadaŭ u ich udzielničać.
Ivan Šeha, pavažany chirurh i siabar Partyi BNF, jaki bałatujecca ŭ Słonimskaj vybarčaj akruzie №58, asprečyŭ słovy staršyni Centrvybarkama.
Jon razam ź Michaiłam Karatkievičam ad Biełaruskaj partyi levych «Spraviadlivy śviet» padavaŭ zajavu na ŭdzieł u debatach. Ale ŭ akruhovaj vybarčaj kamisii im admovili, spasłaŭšysia, što zrabić heta treba było ŭ dzień rehistracyi ich kandydatami, a nie na nastupny (ach, jakaja važnaść!).
Pa słovach Šehi, paśla mienavita staršynia Centrvybarkama adkazvała na ich skarhu, tak i nie dapuściŭšy da debataŭ.A tamu jana kaža niapraŭdu, kali robić padobnyja zajavy, kaža kandydat. «Maleńkaja niapraŭda naradžaje vialikuju», — kaža jon.
Hrodzienskaja vobłaść — rehijon zachodni i dynamičny, ale mienavita tut adsieŭ kandydataŭ zaŭždy najbolšy.
0
0
0
0
0
0