Padčas pieramovaŭ pa vydzialeńni Biełarusi stabilizacyjnaha kredytu ŭ pamiery 1,5 młrd dalaraŭ ZŠA rasiejski bok nazvaŭ nieprymalnaj matyvacyju biełaruskaha ŭradu dla atrymańnia dapamohi.
Takuju infarmacyju raspaŭsiudziła rasiejskaje ahienctva PRAJM-TASS z spasyłkaju na krynicu va ŭradzie Rasiei.
Aficyjny Miensk matyvuje nieabchodnaść atrymańnia kredytu padvyšeńniem koštaŭ na rasiejskija enerhanośbity, što zmusiła biełaruski ŭrad datavać ajčynnyja naftapierapracoŭčyja pradpryjemstvy. Pa mierkavańni rasiejcaŭ, heta piarečyć pryncypam Suśvietnaj handlovaj arhanizacyi, da jakoj Rasieja maje nieŭzabavie dałučycca.
Maskva paprasiła Ministerstva finansaŭ Biełarusi padrychtavać novuju matyvacyju, jakaja nia budzie piarečyć praviłam SHA i pryncypam mižnarodnaha handlu.
Varta adznačyć, što rasiejcy nie śpiašajucca z adkazam u spravie kredytu. Prośba ab jaho vydzialeńni ź biełaruskaha boku prahučała naprykancy lutaha, i z taho času pytańnie kredytu zrabiłasia pradmietam handlu. Biełaruś užo j puściła na svoj rynak rasiejskija tavary, i pajšła na samabmiežavalnyja zachady ŭ eksparcie cukru. U toj ža čas kiraŭnik Minekanamraźvićcia RF Hierman Href jašče tydzień tamu nia byŭ peŭny, ci budzie Rasieja vyłučać hrašovuju dapamohusvajoj chaŭruśnicy.
