 |
14 krasavika u 15 hadzin parki Minska adkryjuć siezon, paviedamiła karespandentu BIEŁTA načalnik adździeła kultury Centralnaha dziciačaha parku imia Horkaha Lidzija Viežnaviec.
Jana adznačyła, što ŭ suviazi sa spryjalnymi ŭmovami nadvorja ŭ stalicy było vyrašana adkryć letni siezon na 16 dzion raniej, čym zvyčajna.
Pieršych naviedvalnikaŭ prymuć dva staličnyja parki — Centralny dziciačy park imia Horkaha i Park kultury i adpačynku imia Čeluskincaŭ. Astatnija parki horada pačnuć pracavać, jak zaŭsiody, 1 maja.
Da leta ŭsie atrakcyjony prajšli śpiecyjalnuju pravierku — hruzavyja vyprabavańni i elektrafizičnyja vymiareńni. Pry nieabchodnaści pravodziłasia zamiena znošanych detalej, vuzłoŭ i miechanizmaŭ.
Ciapier u troch parkach (Horkaha, Čeluskincaŭ i 50‑hodździa Kastryčnika) ekspłuatujecca 37 atrakcyjonaŭ, jakija naležać UP «Haradskija parki Minskzialonbuda». U novym siezonie dla dziaciej u parku Čeluskincaŭ buduć ustanoŭleny dva novyja atrakcyjony — dziciačy ciahnik i sučasny aŭtadrom. A prahułačny kater «Aŭhuścin», da jakoha tak pryvykli minčanie, budzie kursiravać pa Śvisłačy z abnoŭlenym matoram.
Fota Andreja Lankieviča
