Za studzień—žnivień 2012 hoda kolkaść nasielnictva Biełarusi skaraciłasia na 6,2 tys. čałaviek. Na 1 vieraśnia 2012 hoda ŭ krainie pražyvała 9 młn. 459 tys. čałaviek, paviedamili ŭ Biełstacie.
U Minsku za vosiem miesiacaŭ hetaha hoda kolkaść nasielnictva ŭzrasła z 1 młn. 885,1 tys. da 1 młn. 888,9 tys., u toj čas jak u astatnich rehijonach krainy hety pakazčyk źniziŭsia.
U pryvatnaści, u Homielskaj vobłaści na 1 vieraśnia 2012 hoda naličvałasia 1 młn. 428,6 tys. žycharoŭ (na 1 studzienia 2012 hoda — 1 młn. 429,7 tys.); Minskaj — 1 młn. 403,1 tys. (1 młn. 403,6 tys.); Viciebskaj — 1 młn. 209,8 tys. (1 młn. 214,1 tys.); Mahiloŭskaj — 1 młn. 77,3 tys. (1 młn. 80,1 tys.); Hrodzienskaj — 1 młn. 59,9 tys. (1 młn. 61,2 tys.). U Bresckaj vobłaści hety pakazčyk nie źmianiŭsia — 1 młn. 391,4 tys.
Za studzień—žnivień 2012 hoda ŭ Biełarusi naradziłasia 75 tys. 411 dziaciej (na 4 tys. 126 bolš u paraŭnańni sa studzieniem—žniŭniem 2011 hoda), pamierła 84 tys. 231 čałaviek (na 7 tys. 56 mienš).Naturalnaje źnižeńnie skłała 8 tys. 820 čałaviek.
Kolkaść zarehistravanych šlubaŭ skaraciłasia na 9,3% (da 36 tys. 942), razvodaŭ — pavialičyłasia — na 12% (24 tys. 634). Na tysiaču zarehistravanych šlubaŭ prypadała 567 razvodaŭ, u toj čas jak za studzień—žnivień 2011 hoda — 460.
Mihracyjny pryrost u studzieni—žniŭni 2012 hoda ŭ paraŭnańni z anałahičnym pieryjadam 2011 hoda źniziŭsia na 61,4% i skłaŭ 2 tys. 629 čałaviek. Stanoŭčaje salda mihracyi pamienšyła naturalnaje źmianšeńnie nasielnictva na 29,8% (za studzień—žnivień 2011 hoda — na 34,1%).
