Raman Matulski, dyrektar Nacyjanalnaj biblijateki Biełarusi.
Mitrapalit Tadevuš Kandrusievič i ministr kultury Biełarusi Pavieł Łatuška.
4 kastryčnika ŭ Muziei knihi Nacyjanalnaj biblijateki prezientavali Bibliju Francyska Skaryny, vydadzienuju ŭ Prazie ŭ 1517–1519 hadach.
Heta ŭnikalnaje vydańnie — adziny najaŭny ŭ Hiermanii asobnik Biblii Skaryny ź Vierchniałužyckaj navukovaj biblijateki horada Hiorlic. Jana składajecca z 11 uklučanych u adzin kanvalut knih, jakija Skaryna vydaŭ u Prazie ŭ 1517-1519 hh. Siarod ich jość takija, jakija adsutničajuć u fondach Nacyjanalnaj biblijateki, naprykład, kniha «Byćcio» z cudoŭnaj hraviuraj na tytulnaj staroncy, a taksama Čatyry Knihi Carstvaŭ sa znakamitym partretam pieršadrukara.
Na prezientacyi prysutničaŭ pasoł Hiermanii ŭ Biełarusi Valfram Maas, ministr kultury Pavieł Łatuška, mitrapalit Tadevuš Kandrusievič.
Ekspanavańnie knih Skaryny budzie prachodzić u Muziei knihi Nacyjanalnaj biblijateki z 4 pa 13 kastryčnika 2012 h. i ŭ Niaśvižskim historyka-kulturnym muziei-zapaviedniku z 15 pa 24 kastryčnika 2012 h.
